Policia në shërbim të Edi Ramës, rrugët përgjaken! 3 të vdekur…
Ndërkohë që e gjithë policia është në shërbim të Edi Ramës gjatë fushatës së tij për të bindur shqiptarët që të mos respektojnë ligjin, përkatësisht të dalin të votojnë kandidatin e rilindjes më 30 Qershor, rendi dhe qetësia publike është lënë në mëshirën e fatit. Situata në Ministrinë e Brendshme është aq kaotike sa nuk ka kush të shkruaj as një njotim normal për media ndërsa rrugët po përgjaken në mungesë të kontrolleve policore aty ku nuk kalon Kryeministri.
I tillë është rasti i mbrëmshëm i aksidentit me përmasa tragjike në Tiranë, ku humbën jetën tre personave nga e njëjta familje, ndërsa dy persona të tjerë janë rëndë në spital. Viktimat janë babai, nëna dhe vajza e tyre, ndërsa kanë mbetur të plagosur vajza tjetër e çiftit dhe dhe drejtuesi i mjetit
Aksidenti ka ndodhur kur makina me të cilën udhëtonte familja me pesë persona brenda ka dalë nga rruga duke u përplasur me bordurën anësore.
Policia e Tiranës tha fillimisht se ishte katër numri i të vdekurve por rreth orës 11:20 minuta solli tjetër komunikatë, duke thënë se numri i viktimave është tre, ndërsa vajza e tjetër e çiftit Bibaj është në gjendje kritike për jetën. Sipas policisë, drejtuesi i mjetit, Arlintin Alia, 32 vjeç nga Puka, është gjithashtu në gjendje të rëndë.
Policia bën me dije edhe identitetin e plotë të viktimave. Ata janë: Bardhok Bibaj. 62 vjeç, Valentina Bibaj 54 vjeçe, Florida Bibaj e bija 22 vjeçe, nga Mirdita, ndërsa në gjendje kritike për jetën është vajza tjetër e çiftit, Xh. Bibaj, 26 vjeçe.
“U njoftua nga spitali se ndërroi jetë, por ka kaluar në vdekje klinike dhe tashmë ndodhet në gjendje kritike për jetën në Spitalin Ushtarak”, sqaron policia në njoftimin e dytë.
Përplasja ka qenë kaq e fortë sa i ka marrë jetën menjëherë tre personave në bord, ndërsa drejtuesi i mjetit dhe 26 vjeçarja, pasagjere, kanë përfunduar në spital.
Nëse kësaj mungese të policisë së shtetit nëpër rrugët e Shqipërisë ku nuk duhet të kaloj Edi Rama i shtojmë edhe faktin se aksidenti ka ndodhur tek një rrethrrotullim që ka devijuar nga Autostrada Tiranë-Elbasan për shkak të një biznesi, tragjedia vazhdon e kullon gjak.
E sa për gjendjen në të cilën ndodhet Ministria e Ish-Gjeneral Sandër Lleshajt mund të lexoni dy komunikatat për një fatkeqësi tragjike që ka ndodhur në Tiranë dhe luajnë me viktimat si me qenë votat e Erion Veliajt e jo qytetarë të këtij vendi. Sikur tragjedia të ndodhte në Konispol, Vërmosh ose Dukagjin, përmbajtja e njoftimi të policisë as që mund të imagjinohet:
Njoftimi i parë i policisë:
Në aksin rrugor Elbasan-Tiranë, në afërsi të TEG-ut, mjeti me drejtues shtetasin A. A ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes kanë ndërruar jetë pasagjerët V. B, B. B, F., B, Xh.B., ndërsa drejtuesi i mjetit A. A ndodhet në SQU nën kujdesin mjekësor.
Grupi hetimor vijon punën për zbardhjen e rrethanave dhe shkakut të aksidentit.
Njoftimi i dytë i policisë:
Dua t’u sqaroj në lidhje me aksidentin e ndodhur në orët në para të mëngjesit të sotëm.
Për shkak të konfuzionit të krijuar nga vetë natyra e aksidentit dhe pasojat që solli, edhe informacioni ka qenë jo i saktë.
Ne njoftimin paraprak është raportuar se kanë ndërruar jetë katër persona, por njëra prej vajzave ndodhur në gjendje kritike për jetën, pasi kur është raportuar se ndërroi jetë kishte kaluar në vdekje klinike.
Drejtues mjeti Arlintin Alia, 32 vjeç nga Puka, në gjendje të rëndë për jetën
Bardhok Bibaj. 62 vjeç.Mirditë, ka ndërruar jetë
Valentina Bibaj 54 vjeçe Mirditë, ka ndërruar jetë
Florida Bibaj e bija 22 vjece, ka ndërruar jetë
Xh. Bibaj e bija, 26 vjeçe, është në gjendje kritike për jetën.
U njoftua nga spitali se ndërroi jetë, por ka kaluar në vdekje klinike dhe tashmë ndodhet në gjendje kritike për jetën në Spitalin Ushtarak.
