Policia në Universitete/ Debati, Lleshaj më i papërgjegjshëm se tek Fevzo: Hoqëm ca karrige…

Ndonëse të gjithë qytetarët e Republikës së Shqipërisë e panë me zë dhe figurë se so policët u futën me dhunë në fakultete nëpërpjekje për ti nxjerrë jashtë, siç e deklaruan vetë policët, me kërkesën e drejtursve të fakulteteve, sot Ministri i Brendshëm, Sandër Lleshaj, në Komisionin e Mediave dhe Edukimit ishte shumë më i papërgjegjshëm se kur doli i padekretuar ta festoj postin ministror.

Dhe deri te Fevzo ishte pa dekret presidencial dhe broçkullat që I kanë dalë nga goja mund të bëhen nul, sot në Komision çështja bëhet më serioze.

Fillimisht e nisi duke I bërë test Kushtetues drejtueses së Komisionit e cila për fat të keq u bë pjesë e lojës, nuk kishte ndonjë dokument që tregonte se drejtuesit e fakulteteve kishinkërkuar ndërhyrje, më vonë tha se dokumentin e ka policia, dhe sqarimi I tij pse policia kishte ndëhyrë ishte epik: Kemi gjykuar se duhej ndërhyrë pasi bëhej fjalë vetëm për heqjen e disa karrigeve!

Ja çfarë thotë pas një seri pyetjesh Ministri i Policisë që heq karrige dhe Ish-Këshilltari për Siguri Kombëtare i Kryeministrit Edi Rama:   

 “Policia nuk ka ushtruar në asnjë rast dhunë ndaj studentë. Rasti kur policia ka ndërhyrë, ka qenë një çështje që ne kemi gjykuar se duhej ndërhyrë pasi bëhej fjalë vetëm për heqjen e disa karrigeve. Nëse kemi gjykuar gabim, atëherë ka edhe të tjerë që mund të gjejnë të vërtetën,” tha ministri Lleshaj ndërsa mori menjëherë përgjigje nga drejtuesja e Komisionit për Media dhe Edukim, Albana Vokshi:

“Drejtësia mund të vonojë, por ne nuk do harrojmë ata policët që ushtruan dhunë. Nuk do harrojmë që ju keni mbrojtur ata policë që kanë dhunuar fëmijët tani. Kush ka përgjegjësi do shkojë para drejtësisë!”

Debati:

Ministri: Kujt Neni të kushteutës i jeni referuar, pse kam ardhur, cilit Nen i jeni referuar

Vokshi: Paradhoma duhet t’ju kishte sqaruar.

Lleshaj: Më citoni ju lutem Nenin.

Vokshi: Kemi pasur komunikim me paradhomën tuaj, nëse ju nuk e keni kuptuar dhe nuk jua kanë referuar, nuk e kuptoj pyetjen se asnjë ministër nuk e ka bërë deri tani. Neni 36 dhe Neni 80 i Kushtetutës, mund t’ua lexoj.

Lleshaj: Doja vetëm të dija cilit Nen i jeni referuar për të më thirrur këtu.

Flamur Noka: Jeni thërritur ju për të dhënë llogari, jo ju të na kërkoni llogari ne

Lleshaj: Neni 80 parashikon që ministrat duhet të paraqiten dhe i jep kohë brenda tre javëve…

Vokshi: Kush ua ka thënë këtë?

Lleshaj: Askush, e thotë Neni.

Vokshi: Nuk jeni këtu të na lexoni ne Kushtetutën

Lleshaj: Kushtetuta më jep tre javë kohë. Strukturat e Policia së Shtetit nuk kanë ushtruar asnjë dhunë.

Vokshi: Kemi videon, ja ta hapim, ndizni videoprojektorin

Lleshaj: E nderuar zonja kryetare, me falni një minutë, kam ardhur si Ministër i Brendshëm, e nuk ka asnjë mundësi, asnjë, të përdorë gjuhën e gabuar ndaj meje

Vokshi: Sa për gjuhë, ju lutem mesazhi juaj i fundit… Nuk mund të kërcënoni asnjë deputet, as të përdorni fjalor të papërshtatshëm, ashtu si mbrëmë, ju duhet të distancoheshit se unë si prind mesazhin që dhatë e cilësoj të papërshtatshëm. Ruajmë një standard, mos kërcënoni.

Lleshaj: Unë nuk kam ardhur të bëj mësim këtu, nuk kam ardhur për të parë film këtu. Unë nuk kam ardhur të bëj komentatorin e videove.

Vokshi: Kush e dha urdhrin për dhunën ndaj studentëve, kush i rrethoi universitetet

Lleshaj: Nuk ka asnjë urdhër për dhunë, kemi angazhuar 5.634 policë në gjithë vendin që kanë shërbyer që protestat të shkojnë mirë, dhe protestat kanë shkuar mjaft mirë dhe kemi pasur pothuajse zero incidente.

Vokshi: A janë policët tuaj ata brenda mjediseve të universitetit?

Lleshaj: Po kanë hyrë, por kemi marrë një kërkesë nga universiteti

Vokshi: Ku e keni

Kejdi Mehmetaj: Na e tregoni shkresën

Lleshaj: Me ju flas kur të mbaroni universitetin

Mehmetaj: Fjalët që policët me urdhërin tuaj u kanë thënë studentëve i meritoni një nga një, ashtu siç ata studentë kanë reaguar, do ju heqin ju zvarrë nga zyra.

Lleshaj: Do na zvarrisësh ne ti ë…

Mehmetaj: As me intimidoni dot. Kam marrë dy mandate nga qytetarët ju vetëm urdhëra nga një i çmendur, nuk na keni sjellë ju këtu, por ju ne.

Vokshi: Administratori nuk është titullar, çfarë kërkon Administratori se nuk ka thënë aty se po ushtrohet dhunë

Lleshaj: Nëse nuk doni përgjigje më kurseni, por nëse doni përgjigje më dëgjoni. Ka pasur dy kërkesa, lirimin e ambienteve të zaptuara nga persona, është ushtruar dhunë ndaj të drejtës së të tjerëve që po pengonin mësimin, pastaj policia private ka kërkuar asistencë, dhe policia e shtetit është e autorizuar me ligj për këtë.

Vokshi: Lexoni shkresën që po ju kërkojmë neve.

Noka: Na prezanto dokumentin që i ashtuquajturi titullar ju ka dërguar, a lejohet që Administratori t’i drejtohet forcave të policisë.

Vokshi: A e kane shkelur ligjin ata policë aty?

Lleshaj: Nuk konstatojmë asnjë shkelje ligjore, e them me përgjegjësi.

Salianji: Ju keni në varësi një institucion konkret, a keni nisur hetim administrativ, a i keni dhënë urdhër Drejtorit të shërbimit për të hetuar për shkeljen ligjore të cenimit të ambienteve universitare, a e dini e a mund të na thoni se cilat janë njësitë që kanë ndërhyrë, a mundet ju si titullar të toleroni dhunën e goditjet e atij personi që paguhet me taksat tona, që të godasë e të kapë prej fyti një student që është në ambientet universitar dhe në të drejtën e tij për të protestuar. Pse nuk e keni marrë Drejtorin e Policisë së Shtetit? Ne ju kemi thirrur në mënyrë specifike, as Hekuran Isai nuk ka guxuar ta bëjë këtë! A e keni dhënë ju urdhrin, apo një titullar më i lartë se ju që mund të jetë Kryeministri? Keni dijeni ju, apo thjesht e morët vesh më pas, dhe dolën në mbrojtje, jo në hetim si duhet të bënit. Meqë keni qenë Gjeneral, nuk besoj se do ktheheni në gjeneral të kryeministritLleshaj: Edhe për metaforat dhe kohës që i kushtuat iluminimit tim në çështje të rëndësishme siç i konsideroni, ju dëgjova me respekt. Shkresa ka shkuar te marrësi Drejtoria e Policisë.