Policia nuk njehë ligjet e shtetit, Ademi: Po i shërben qëllimit kriminal të Edi Ramës!

Që Policia e Shtetit nuk përfill Presidentin e Republikës ky nuk është lajm, këtë e ka bërë që me ardhjen në pushtet të Edi Ramës, por në atë kohë Ilir Meta ishte Kryetar i Parlamentit dhe ndaj kësaj paligjshmëri vetëm buzëqeshte!

Sot, kur Policia e Shtetit bënë të njëjtën gjë si me paraardhësin e Ilir Metës, ai alarmohet, thërret diplomatët e huaj por tashmë është vonë. Edi Rama ka pushtuar Shqipërinë me paligjshmëri. Situata është aq e rëndë sa kjo polici kriminale nuk zbaton as ligjet dhe dekretet që publikohen në Fletoren Zyrtare.

Duke u sjell si bandë, ata për disa me ditë me radhë, në kundërshtim me ligjin terrorizojnë edhe punonjësit e Bashkisë Shkodër.

Si dje ashtu edhe sot, forcat e Policisë së Shtetit, së bashku me disa persona civilë të paidentifikuar, tentuan në mëngjes të hapnin me forcë derën e Pallatit të Sportit të qytetit të Shkodrës. Forcat e Policisë Bashkiake kanë kundërshtuar veprimin e forcave të policisë si dhe kanë denoncuar praninë e tyre të armatosur, në kundërshtim me legjislacionin e shtetit shqiptar. Konfrontimi ka vijuar për shumë minuta, por në fund, forcat policore janë detyruar të tërhiqen.

Pas këtij akti kriminal ka reaguar Kryetarja e Bashkisë, Voltana Ademi, duke konstatuar se Policia e Shtetit prej shumë kohësh është jashtë shinave të ligjit, duke i shërbyer qëllimit kriminal të Edi Ramës, por si Kryetare e Bashkisë së Shkodrës ajo tha se ka detyrimin ligjor të bëj gjithçka për kontrollin e territorit të Bashkisë, duke mos lejuar asnjë puç institucional të bandave të Edi Ramës, që drejtojnë Policinë, Prefekturën dhe Komisionin Qendror të Zgjedhjeve.

Deklarata

Policia e Shtetit është prej shumë kohësh jashtë shinave të ligjit, duke i shërbyer qëllimit krininal të Edi Ramës për të uzurpuar me forcë atë që nuk fiton dot me votë. Bashkia e Shkodrës bën pjesë në këtë plan gjakftohtë kriminal të Edi Ramës, por që ka për t’i dështuar.

Në përputhje të plotë me ligjin, në zbatim të dekretit në fuqi të Presidentit të Republikës, i botuar edhe në Fletoren Zyrtare, i detyrueshëm për zbatim nga çdo institucion shtetëror dhe i zgjedhur, Bashkia e Shkodrës ka kërkuar nga KQZ lirimin e mjediseve, që janë pronë e saj.

Bashkia e Shkodrës ka kërkuar zyrtarisht bashkëpunimin e Policisë së Shkodrës për të zbatuar dekretin e Presidentit, i cili ka shfuqizuar 30 qershorin si datën e zgjedhjeve vendore.

Deri tani që flasim, nuk ka asnjë përgjigje zyrtare, asgjë me shkrim, siç normalisht duhet të funksionojë komunikimi në mes institucioneve të shtetit. Përgjigja e vetme e policisë, siç po e shohin përditë shkodranët, e kudo, nuk është ajo e një institucioni në shërbim të interesit publik, por e një bande, që synon nxitjen e konfliktit dhe përdorimin e dhunës.

Si Kryetare e Bashkisë së Shkodrës kam detyrimin ligjor të bëj gjithçka për kontrollin e territorit të Bashkiës, duke mos lejuar asnjë puç institucional të bandave të Edi Ramës, që drejtojnë Policinë, Prefekturën dhe Komisionin Qendror të Zgjedhjeve.

Çdo akt që persona me uniformën e policit kryejnë kundër punonjësve të bashkisë, në këtë rast policisë bashkiake, e cila ka përgjegjësinë ligjore të administrojë pronën e Bashkisë së Shkodrës, në këtë rast pallatin e sportit, i cili është tentuar të uzurpohet edhe mëngjesin e sotëm nga militantët e Ramës, do të marrë përgjigjen e duhur.

Të mbështetur nga Policia e Shtetit, sot në mëngjes, persona të paidentifikuar kanë tentuar të shpërthejnë derën e Pallatit të Sportit, por nuk ia kanë dalë, pas ndërhyrjes së policisë bashkiake. Për këtë cënim të rëndë të autonomisë vendore nga qeveria e Edi Ramës kam vënë në dijeni institucionet dhe organizmat nderkombëtare, për të cilat qeverisja vendore e qyteteve, është e shenjtë. Edi Rama mund t’ia ketë dalë me çfarëdo makinacionesh të asgjesojë dhe të minojë institucionet që kontrollojnë pushtetin e tij, Gjykatën Kushtetuese, Gjykatën e Lartë, Kontrollin e Lartë të Shtetit, por nuk do t’ia dalë të nënshtrojë Shkodrën dhe të asgjesojë vullnetin e shkodranëve për të votuar si qytetarë europianë në zgjedhje të lira e të ndershme!