“Policia që nuk do Edi Rama”/ Probleme me makinën, kosovari u ndihmua vetëm nga një njeri, ishte Shef Gjini

Mijëja makina nga Kosova edhe këtë gusht përvëlues përmbytën Rrugën e Kombit dhe natyrisht nuk munguan as problemet. Por problemi që kishte Adnan Arifi me familje nga Kosova përveç fenomenit shqetēsues kishte dhe një pērfundim që kishte befasuar shumë kryefamiljarin kosovar.

Kështu, Adnan Arifi duke kaluar në “Rrugën e Kombit”, i çahet njëra nga gomat dhe përfundon në korsinë e emergjencës. Meqë ndihmën e kishte të domosdoshme, ai kërkoi ndihmë nga qindëra makina por asnjëra prej tyre nuk ndaloi.

Ai e pranon se nuk i kishte humbur shpresat edhe pse qëndroi me orë tëra por e pranon se befasi ishte edhe kur ndaloi një makinë policie për ta ndihmuar. Ishte Gjin Bushgjokaj Nënkomisar dhe Specialist shërbimi pranë njësisë së sigurisë së autostradës, nga Drejtoria e Policisë Rrugore, i njohur si shef Gjini, i cili i ka ofruar menjëherë ndihmë.

Dhe jo vetëm kaq! Shef Gjini i kishte paguar të gjitha shpenzimet te gomisteri.

Adnani ka treguar, se shumë makina me targa të Kosovës as që morën mundimin se paku ta pyesin se si mund t’i ndihmonin.

“Shumë vetura kaluan, askush nuk më ndihmoj, madje ishin me tabela të Kosovës. Por, ndërkohë një veturë e Policisë Shqiptare, derisa po kalonin në krahun tjetër të rrugës, e panë në gjendjen çfarë ishim, me erdhën me ndihmuan duke e dërguar veturën të gomisteri më i afërt që ishte aty. Madje, Nënkomisari, Gjin Bushgjokaj, përveç ndihmës teknike, nuk me la të paguaj as për rregullimin e gomës,” ka sqaruar Adnan Arifi dhe ky është fenomeni shqetësues që ka kapluar rrugët e Kosovës dhe jo vetëm.

Ndërsa Nënkomisar Gjin Bushgjokaj është polici model që ndihmon të gjithë, pa dallim rrace, krahine dhe partie, dhe pavarësisht sugjerimeve të Kryeministrit Edi Rama.