Politika e Sekretarit të Shtetit, Ambasadori Grenell: Vizat, armë kundër të djathtës në Ballkan!
Kur vendet tjera përdorin qeverinë si armë, kur përndjekin kundërshtarët politikë, kur mundohen të mposhtin kundërshtarin e tyre, që sapo e kanë mundur, sepse nuk duan që ai të kthehet, Departamenti amerikan i Shtetit i dënon këto veprime, tha Ambasadori Richard Grenell duke folur në Konferencën për Aksionin Politik të Konservatorëve në SHBA duke shtuar se nëse përndjek kundërshtarin, nëse përdor gjyqësorin, nëse përdor median për të përndjekur kundërshtarin, DASH i denoncon duke ju thënë që nuk mund ta bëjnë këtë dhe të pretendojnë se janë demokraci. Por sot kemi Sekretarin e Shtetit, Antony Blinken, që përdor vizat e SHBA si armë për ata që ndoshta po mendonin të garonin dhe riktheheshin sërish, dhe që të gjithë ishin të djathtë.
“Ne kemi një Sekretar Shteti tani që po përdor si armë programin e vizave dhe të udhëtimit që lejon njerëzit të vijnë në SHBA. Më lejoni të jap një shembull, disa muaj më parë, krejt papritur, Sekretari i Shtetit lëshoi disa deklarata për median, duke ndaluar disa shqiptarë që të hyjnë në vend,” thekson Ambasadori Grenell i cili drejtoi Ambasadën e SHBA në Gjermani, për një kohë edhe të gjitha shërbimet e inteligjencës, dhe duke pyetur veten se nga doli kjo, vjen në një konkluzion të frikshëm:
“Papritur po u shkojmë pas shqiptarëve dhe më pas bullgarëve? Kërkova dhe janë të gjithë të djathtë në këto vende, që ndoshta po mendonin të garonin dhe riktheheshin sërish dhe tani u ndalohet që të hyjnë në SHBA dhe po u vendosen nga këto ‘sanksionet’ amerikane. Është një gjë e tmerrshme për këtë vend.”
I Dërguari i Presidentit Trump për Dialogun Kosovë-Serbi, Richard Grenell, u akuzua nga e majta shqiptare në Prishtinë dhe Tiranë dhe mediat që kanë në shërbim, se po promovonte ndarjen e Kosovës, projekt ky i Fondacionit George Soros, por kur u shfaq Marrëveshja e Washingtoniti u pa se nuk kishte lidhje me akuzat e ngritura.
Por sot Ambasadori Grenell bënë një denoncim që njëkohësisht është alarm për Prishtinën zyrtare në kohën kur Dialogu Kosovë-Serbi vazhdon me Presidentin e ri të SHBA ashtu dhe Sekretarin i Shtetit, nga i cili Qeveria e Kosovës kërkoi dhe ndërmjetësues në dialog:
“Nuk e di a e dini këtë, por prindërit e Sekretarit Blinken kanë themeluar në qendrën ‘George Soros’, një program të quajtur ‘Qendra Blinken’. Shikojeni pak, kjo gjë nuk ka dalë kurrë në media. Si është e mundur që Sekretari i Shtetit ka një marrëdhënie kaq të ngushtë me George Soros dhe kjo nuk raportohet?” tha Richard Grenell duke përfunduar:
“Tani është Sekretari Blinken që po përdor si armë kufizimet për udhëtimet në SHBA në Ballkan dhe në Europën Lindore dhe del i palagur nga kjo.”
