Politikë me COVID-19, Rama: 10.750 vaksina javën e tretë të Janarit!

Vitin e Ri 2021 Kryeministri Edi Rama e filloi vitin duke bërë politikë me koronavirusin, fatmirësisht jo me të vdekur por me vaksinat kundër COVID-19. Sot Edi Rama tha se është dakordësuar me kompaninë Pfizer se në fillim të javës së tretë të janarit do të vijnë 10.750 dozat e para të vaksinës kundër COVID-19 ndërsa janë siguruar gjithsej 500 mijë doza.

“Ju njoftoj se kemi siguruar 500 mijë dozat e para nga Pfizer. Shopingu im në Nju Jork ka përfunduar me sukses. Kemi dakordësuar me akt normativ për autorizimin e kontratës sipas marrëveshjes së konfirmuar zyrtarisht nga Pfizer. Sasia e autorizuar menjëherë. 10.750 dozat e para do mbërrijnë në Shqipëri në fillim të javës së tretë të janarit. 30.250 doza të tjera do vijnë në shkurt dhe të tjerat me radhë muaj pas muaj në bazë të planit të vaksinimit,” tha Rama duke folur për zmbrapsjen përfundimtare dhe armikun e padukshëm.

“Do të vazhdojmë të përpiqemi siç jemi përpjekur me këmbëngulje pa pushim nga të katër anët deri mbrëmë vonë që plani i vaksinimit të planifikohet sipas parashikimit pa asnjë bllokim apo ngadalësim nga mungesa e dozave të nevojshme.”

Vaksinim po, por si do të quhej se vjen nga Edi Rama pa u pagëzuar edhe fushatë. “Shqipëria buzëqesh”, është fushata e vaksinimitama që premtoi Kryeministri Rama ndërsa pompoze do ta ekzekutimi në stadiumin e Ramës, Dukeës dhe gjithë Shqipërisë, “Air Albania”:

“Viti që më në fund iku, me vështirësinë e vet të jashtëzakonshme ishte mundësia e madhe për t’ia lënë politikën politikës dhe për t’u bërë bashkë për fatkeqët e tërmetit dhe për mbrojtjen e shëndetit të njerëzve. Megjithatë nuk është kurrë vonë për të bërë gjënë e duhur dhe uroj që edhe të tjerët ta bëjnë, ta ndajnë politikën nga shëndeti dhe nga tërmeti dhe të kontribuojnë së paku duke e ndalur avazin e kotë të llafeve të tepërta për këto tema kaq ekzistenciale. Ndërkohë ne nuk do të humbim kohë me askënd që ka kohë për të humbur sepse sigurimi i vaksinës papritur që të kujtohej BE-ja për ne, ishte një sfidë marramendëse, por nuk është një sfidë e lehtë, përkundrazi as menaxhimi i procesit të vaksinimit. Me ç’po shohim e ç’po dëgjojmë dhe prej vendeve më të zhvilluara kjo është një sfidë e madhe më vete. Mund t’ju them se jemi mirëpërgatitur që ta ngremë në kohë infrastrukturën e vaksinimit për të cilën Ministria e Shëndetësisë ka hartuar strategjinë, programin dhe planin e kalendarizuar të procesit. Po ashtu ka nisur punë prej disa javësh me projektet e qendrave të vaksinimit në Shqipëri, qendra e parë do të jetë ajo e Tiranës në stadiumin “Air Albania”, ku brenda pak ditësh gjithçka do të jetë gati me një mjedis vaksinimi me standardet më të mira tekniko-profesionale për të mirëpritur grupet përfituese sipas planit të jetësimit të fushatës së vaksinimit “Shqipëria buzëqesh”. “Shqipëria buzëqesh do të jetë motoja e kësaj fushate shtetërore dhe njerëzore falë së cilës do t’i kthejmë këtë vit Shqipërisë buzëqeshjen e marrë peng vitin e shkuar nga armiku i padukshëm”, deklaroi kreu i qeverisë.

Për ata që nuk i kanë besuar dhe nuk i besojnë Edi Ramës, ai tha se vaksina do të jetë falas dhe nuk do të jetë e detyrueshme:

“Siç e kemi thënë, bazuar dhe në praktikën e përgjithshme ndërkombëtare vaksinimi do të nisë në fillim me bluzat e bardha, pastaj mësuesit, efektivët e policisë në terren dhe në moshat madhore mbi 75 vjeç. Në vijim do të vazhdohet me grafikun e përgatitur në ulje drejt moshave më të reja.
Jam tejet i lehtësuar sot pas këtij dakordësimi të marrëveshjes për vaksinën, më në fund kam mundur të fle pak, pas mesnatës dhe pse ishte nata kur të rriturit rrinë zakonisht zgjuar deri në mëngjes dhe jam i lumtur që munda tua jap sot në ditën e parë të Vitit të Ri këtë lajm të gëzueshëm të pajisjes së Shqipërisë me armatimin që do të asgjësojë armikun e padukshëm,” tha Kryeministri Edi Rama duke mbyllur lajmin e parë në ditën e parë të vitit 2021 ndërsa përfundoi:

“Qoftë ky oguri fantastik i një viti të buzëqeshur të Shqipërisë dhe shqiptarëve dhe prova shembullore e faktit se më të keqen e kemi hedhur pas krahëve dhe më e mira është e gjitha përpara nesh.”