Populli në protestë, Rama me grabitqarët: Bordi Kombëtar, mundësi të shpëlaheni nga çdo mëkat!
Deri sa abuzimi me çmimet vazhdoi nga furnziuesit e kraburanteve ashtu si dhe protestat që u shtrinë në gjithë vendin përkundër terrorit shtetëror dhe arrestimeve, sot Kryeministri Edi Rama u detyrua ti thërras në takim këta grabitqarë që me çmimin e karburanteve u bënë më të vështirë jetën studentëve, fermerëve, transportuesve dhe të gjithë atyre që do bëjnë një jetë normale në këto ditë të vështira, për t’ju komunikuar lajmin për ngritjen e Bordit Kombëtar për Administrimin e Karburantit, i cili do të ngrijë marzhin e fitimit dhe do ta përcaktoj çmimin për treg.
Përveç se e bëri të qartë se kush nuk do të vendosë çmimin e miratuar, do të përballet edhe me mbyllje të pikës së karburantit, Edi Rama u bëri të qartë furnizuesve të karburanteve se kjo është një mundësi e artë që të shpëlahen nga çdo mëkat i jetës e të kthehen pastaj të fitojnë kur gjërat me ndihmën e Zotit të fillojnë të normalizohen
“Përfaqësuesit e qeverisë dhe ministrja e financave dhe e Infrastrukturës dhe Energjisë, drejtori i doganave dhe kryetari i autoritetit të Konkurrencës do të jetë në tavolinë me 5 përfaqësues nga ju. Nuk do të ketë asnjë tabelë në çdo pikë karburanti ku do të shfaqet një çmim pa u aprovuar nga bordi, kush e bën do të humbasë karburantin. Është luftë. Nuk jam ideolog i tregut të lirë apo shtetit si fuqi diktuese në ekonomi, por thjesht e vetëm mendoj që liria ekonomike është themelore,” tha Edi Rama ndryshe nga fjalori arrogant që përdor me popullin duke ju drejtuar këtyre grabitqarëve që abuzuan me vite te tëra me çmimin e karburantit në emër të tregut të lirë, ai kërkoi mirëkuptimin e tyre për masat e ndërmarra pasi, siç tha Kryeministri, e gjithë bota ndodhet në gjendje lufte.
“Në këtë kohë lufte nuk duhet të fitohet në kurriz të qytetarëve shqiptarë. Kjo është luftë këtu nuk funksionojnë rregullat. Unë nuk jam ideolog i tregut të lirë apo i shtetit si fuqi diktuese në ekonomi. Unë besoj se liria ekonomike është themelore, nuk i shkoj teorisë së shtetit duhet të futet për të kontrolluar çmime, kudo ku është tentuar nuk ka funksionuar.
Por këto janë histori të një kohe paqeje. Kërkoj mirëkuptimin tuaj me hir, kurse ligji e bën me pahir. Ka që thonë është zhgënjimi im, cështja është që nuk e gjen produktin. Vec transparencës nuk do administrojmë të vendosim në çmime arbitrarisht, pro do bëjmë transparencë në mënyrë të përditshme që njerëzit ta shohin se cdo qindarkë është aty për vijimin normal të punës dhe ministrja duhet të flasë për rezervën që duhet të jetë e garantuar. Kemi nisur punën, një nga arsyet e vizitënë në Emiratet e Bashkuara ishte për të kërkuar një mundësi.
Duke mos u zgjatur më shumë, do të dëshiroja shumë që ne këtë gjë ta bëjmë me një sens patriotik, o sot o kurrë. Gjithkush nga ju ka detyrimin një muaj dy tre, se nëse zgjat përtej tre është situatë komplet tjetër. Po për këtë periudhë kohe duhet ta ndani mendjen se do rezistoni dhe nuk do dorëzoheni. Kjo është një mundësi e artë të shpëlaheni nga çdo mëkat i jetës e të ktheheni pastaj të fitoni kur gjërat me ndihmën e Zotit të fillojnë të normalizohen.
Në fund, duke pësërit edhe një herë furnizuesit e karburantit se nëse në tabelat e pikat të furnizimit për qytetarët do të jetë një çmim tjetër nga ai i përcaktuar nga Bordi Kombëtar për Administrimin e Karburantit, pika do t’i kalojë në administrim shtetit, ai paralajmëroi se Bordi do të mbledhet nesër në orët e pasditës:
“Duhet që brenda nesër të na bëni me dije 5 përfaqësuesit për Bordin Kombëtar. Nesër pasdite Bordi do të mblidhet. Mirë do jetë që mbledhja të jetë me prezencë fizike, më pas do të mblidhet me zoom dhe të gjithë që duan ta ndjekin mund të hyjnë të gjithëve në fund do t’ju jepet çmimi që do të shfaqet në tabelë nesër nga bordi. Nuk është as qëllimi as prirja e qeverisë të kontrollojë çmime. Qeveria do të garantojë transparencën e plotë e pastaj do të thotë fjalën e fundit për çmimin,” tha Kryeministri Edi Rama duke përfunduar:
“Marzhi i fitimit do të ngrijë sipas vendimit që do të marrë bordi dhe çdo furnizues që do të vendosë në tabelë një çmim të ndryshëm, do të humbasë pikën e furnizimit. Kjo do të jetë e sanksionuar me ligj, dhe pika merret në administrim nga shteti.”
I shoqëruar nga Ministria e Financave dhe Ekonomisë, Delina Ibrahimaj, dhe Ministrja e Infrastrukturës dhe Energjetikës, Belinda Balluku, Kryeministri Edi Rama u bëri të qartë furnizuesve të karburanteve se një Akt-Normativ me fuqinë e menjëhershme të ligjit për përballimin e kësaj emergjence, do të përcaktojë që nesër edhe kuadrin e detyrimeve dhe të drejtave të kufizuara të furnizuesve të karburantit, për një afat dymujor të rinovueshëm sipas dinamikës së luftë.
Ndërkohë taksistët, përkundër këtij spektaklit të Edi Ramës, kanë vërshuar drejt Kryeministrisë në protestën e paralajmëruar kundër abuzimit me çmimin e karburanteve.
