“Porosia”/ Shpërndante kokainë me biçikletë, kapet…

Sot në Tiranë, në kuadër të operacionit të koduar “Porosia”, policia ka arrestuar Fatmir Malkon i cili lëvizte me biçikletë duke shpëndarë kokainë dhe
heroinë.

Në banesë policia i gjeti dhe sekuestroi: 34 doza të dyshuara lëndë narkotike e dyshuar heroinë; 3 doza të dyshuara lëndë narkotike kokainë, si dhe telefonin që përdorte për të siguruar klientelën.

“Nga informacionet e siguruara në rrugë operative nga ana e Seksionit për Hetimin e Narkotikëve në DVP Tiranë, se ky shtetas  shpërndante lëndë narkotike të llojit heroinë në zonat e Yzberishtit, Selitës, Astirit dhe Kombinatit, me porosi nëpërmjet telefonit, dhe pas ndjekjes me metoda speciale të hetimit  u organizua shërbimi për kapjen në flagrancë të këtij shtetasi,” ka sqaruar policia.

Policia e Tiranës sqaron se mesditën e sotme, në  afërsi të rrugës “Tre Dëshmorët” Policia ka kapur në flagrancë shtetasin F. M. i cili lëvizte me biçikletë, ku gjatë kontrollit fizik dhe në banesë policia gjeti dhe sekuestroi 34 doza të dyshuara lëndë narkotike e dyshuar heroinë, 3 doza të dyshuara lëndë narkotike kokainë, si dhe telefonin që përdorte për të siguruar klientelën.

Materialet procedurale do ti kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale të “Prodhimit dhe shitjes së lëndëve narkotike”.