Porti, dëshmitar i aferave të tmerrshme, Basha: Durrësi qeveriset nga bandat!

Porti i Durresit, është dëshmitari i aferave të tmerrshme. Kështu u shpreh kryetari i PD, Luzim Basha nga “zhvendosja” e parlamentit që bëri opozita në qytetin bregdetar duke theksuar aferat si ajo e drogës në Maminas, ku u fut kokaina vetëm pasi u dhanë garancitë më të larta.

“Ai që garantoi Toyota Yarisin i përket një grupi politikanësh që sot në lidhje me krimin janë shqetësim serioz për vendin, stabilitetin e rajonit dhe eksportues të krimit dhe drogës në Itali, Gjermani, Britani, e Holandë dhe SHBA,” tha Lulzim Basha duke lëshuar një akuzë të fortë në drejtim të Edi Ramës dhe kreu të kësaj bashkie:

“Durrësi qeveriset nga banda, Dako shërbëtori i bandave dhe banditëve, bashkë me Çelën e OSHEE. Nëse nuk do kishte prokurori që grabitet posta me dosje si ndodh në këtë prokurori, nëse nuk do kishte shërbëtorë të Ramës në Prokurori, sot Dako do të ishte në burg. Materialet hetimore tregojnë se si në zgjedhjet 2017, 2015, Dako shkëmben tendera dhe para të shqiptarëve në vjedhje votash. Nuk është mjaftuar Dako me aleaten personale, bandën e Lul Berishës, Shullazit me shokë, por ka ofruar edhe Jurgis Çyrbjen, anëtarëin e Kuvendit, të grupit të Rilindjes së kriminalizuar të Ramës,” tha kryetari i Partisë Demokratike, Luzim Basha duke shtuar se dihet mirë se për çfarë është vendosur deputet.