Porti i ri i Durrësit në Kushtetuese, tërbohet Kryeministri antishtet: Turp dhe poshtërsi e madhe!
Pasi Partia Demokratike depozituar sot në Gjykatën Kushtetuese padinë kundër Marrëveshjes për Portin e ri të Durrësit, duke theksuar se nuk mundet që mega-afera më e madhe korruptive të jetë simboli i mënyrës së qeverisjes, ka reaguar ashpër Kryeministri Edi Rama si zyrtar besnik i antishtetit që nga dita e parë që shkeli në qeverinë shqiptare
“Sulmi haxhiqamilist i Aleancës së Rublave dhe bedelave të saj kundër projektit të Portit Turistik të Durrësit është një turp dhe një poshtërsi e madhe në dëm të interesit të vendit, ndërkohë që tërbimi shpifarak është prova se i kanë bërë vetë tërë pisllëqet që akuzojnë!” shprehet Edi Rama në reagimin e tij përmes rrjetit social Twitter duke mos marrë sot si shembull Beogradit por duke e cilësuar “sjelljen” e këtij projekti si angazhim i Presidentit, Sheikh Muhammed Bin Zayed.
“Synimi i këtij sulmi të dëshpëruar është pengimi i këtij investimi të madh transformues për Durrësin dhe gjithë Shqipërinë, përmes intimidimit të një prej kompanive flamur të Emirateve të Bashkuara, të cilën e kemi sjellë me mbështetjen e Presidentit, Sheikh Muhammed Bin Zayed.”
Duke e ngatërruar paligjshmërinë me një imazh të ri fitues të Shqipërisë në arenën ndërkombëtare, ende pap folur Gjykata Kushtetuese, Edi Rama i cilëson paditësit që kërkojnë transparencë, si shqiptarë të shitur, pa fe, pa atdhe, pa din e as iman!
“Akuzat haluçinante kundër një kompanie ardhja e së cilës është përveç të tjerash një imazh i ri fitues i Shqipërisë në arenën ndërkombëtare, janë tallja e radhës me ata shqiptarë që akoma i ndjekin pas këta të shitur, pa fe, pa atdhe, pa din e as iman…”
Ndryshe, sot Partia Demokratike depozituoi në Gjykatën Kushtetuese padinë kundër mega-aferës korruptive, për Marrëveshjen e Portit të ri të Durrësit, duke e cilësuar një grabitje të pasurisë publike për interesa private, nën petkun e investitorëve strategjik, por me kompani offshore.
