“Portokallia Presidencë”, Meta: Grushti i shtetit do të shtypet nga grushti i popullit!

E quan komunikim javor me mediat por kjo dalje e Presidentit të Republikës, Ilir Meta, më shumë i ngjanë Portokollisë për dallimin e vetëm që nuk shfaqet nga TCH por nga Presidenca. Nuk dihet se cili është halli i Likes që përdorëri këtë gjuhë sot, dekonspirimi i lojës që bëri me zgjedhjen Kryeministër dhe Ministër i Brendshëm, letra që Edi Rama i nisi Fatos Nanos apo përgjigja që Lulzim Basha dha për Metën Kryeministër, por mesazhet e ashpra që sot Meta i drejtoi qeverisë nuk ishin normale, aq më shumë për njeriun i cili bazuar në betimin kushtetues duhet të jetë mbi palët.

Tha se është për lista të hapura në zgjedhjet e 25 prillit, ndërsa i kujtoi qeverisë të mos pengonte forcat e tjera politike të hapnin listat. Nëse ndodhë një gjë e tillë, atëherë tha se ky është një grusht shteti, por i kujtoi mikut të tij të gjakut komunist, se sipër tij qëndron grushti i popullit.

“Për zgjedhjet për mua kanë rëndësi vetëm zgjedhjet e lira dhe të ndershme, vendosje e legjitimitetit në vend, kjo është një kërkesë ultimative dhe një e ardhme e qetë, me prosperitet për shqiptarët që janë lodhur, përçarë kaq shumë dhe i ka larguar më shumë nga vendi. Para pak ditësh lexova një artikull dramatik se në Shqipëri po ikin më shumë njerëz tani se në vitet ‘90.

Kërkoj t’i qendrojmë marrëveshjes së arritur në 5 qershor, të mos devijojmë asnjë milimetër, të mos përdorim gjoja lista të hapura për të prishur marrëveshjen. Përshëndes opozitën që ka qenë e hapur për lista 100% të hapura. Në rast se mazhoranca nuk dëshiron të hapë listat e saj s’ka pse pengon forcat e tjera të hapin listat. Nëse kemi një shkelje të njëanshme si me rastin e ndryshimeve kushtetuese atëherë është e qartë që kemi tentativë për grusht shteti, por grushti i shtetit do të shtypet nga grusht i popullit, është më i madh grushti i popullit,” tha Meta duke u tërhequr nga shpifja që transmetuan mediat në shërbim të tij se do të bëhet Kryeministër dhe Ministër i Brendshëm duke saktësuar se do vijojë të jetë President der në 24 korrik 2022.

“Unë prej kohësh kam qënë i gatshëm që për hir të marrëveshjeve që zgjidhin krizat e institucioneve të lija edhe postin vetëm që të gjendet zgjidhje për vendin pa parë interesat personale dhe karrierën time. Dua t’ju siguroj se gjëja më e rëndësishme është garantimi i zgjedhje të 25 prillit, në të gjitha rastet premtimin që kam bërë do e mbaj, deri nmë 24 korrik 2022 Presidenca do jetë kështjellë e pamposhtur e ruajtjes së Kushtetutës. Këtu do ta mbaj me të gjitha mënyrat. Ky nuk është problemi i vetëm. Ky institucion e ka mbrojtur Kushtetutën në mënyrën më të vendosur, që vendi të mos përplaset në fund të greminës edhe pse e ka marrë tatpjetën, mjafton fakti që shtohen kushtet për integrimin. Kjo nuk është përgjegjësi e Presidentit është e qartë se kujt i takon përgjegjësia”.

“Asnjë i sëmurë mendor apo i marrosur pas pushtetit, mos i shkojë mendja se mund të më frikësojë”

Në prag të seancës së Komisionit të Ligjeve, ku pritet të diskutohet Ligji organik për Presidentin, Meta i dërgoi një mesazh të prerë Edi Ramës në stilin e tij mafioz, se asnjë i marrosur apo i sëmurë mendor nuk mund ta frikësojë.

‘’Se çfarë bën mazhoranca, është zgjedhje e saj. Presidenti di vetëm Kushtetutën. Dhe i përshtatet dhe do i përshtatet çdo situatë në mbrojtje të Kushtetutës. Thelbi i saj është pluralizmi politik dhe zgjedhjet e lira e të ndershme. ASnjë i sëmurë mendor, apo i marrosur pas pushtetit të pamerituar dhe të vjedhur nuk duhet t’i shkojë mendja se Presidenti i këtij vendi mund të frikësohet, intimidohet, dhe dekurajohet të përmbushë misionin historik. Nëse këtij parlamenti nuk i mjaftojnë gjithë ato rekorde negative në këto 30 vite,” tha Meta duke shprehur dyshime sedo mbetet si parlamenti i 1 prillit.

Paketa Antishpifje, Meta: Parlamenti duhet ta rishikojë

Sot Presidenti i Republikës kërkoi nga Parlamenti që të rishikojë Ligjin Antishpifje që po synon ta risjellë për votim në seancë ndërsa shtoi se për disa ligje që ai ia ka kthyer për rishqyrtim nuk ka reflektuar.

”Gjatë kësaj periudhe dua të theksoj se kam kthyer për rishqyrtim ligjin për shtetësinë, për pronat e paluajshtme Elementë anti-kushtetues, që cënojnë rëndë pasurinë publike, dhe kompetencat e Prsidentit .

Për fat të keq Kuvendi nuk ka reflektuar, dhe këtë e tregoi në Komisione. Uroj që për pronat e paluajtshme të rishikojë nismën sipas arsyeve të rikthimit. Edhe për mediat audivizive sipas dekretit të rikthimit në Kuvend që ishte në përputhje  me opinionin e Venecias.

Thirrja e djeshme e raporterit drejtuar qeverisë, është kambanë që duhet dëgjuar mirë,” tha Meta duke shtuar se mazhoranca ka detyrimin për të krijuar ambientin për të gjithë aktorët, siç ka dhe detyrimin për zgjedhje të lira e të ndershme, ashtu siç e rekomandon OSBE.

KED të tregojë cilat institucione po vonojnë procesin, do të mbajnë përgjegjësi

Edhe në këtë dalje publike iu rikthye procesit të plotësimit të vakancave në Gjykatën Kushtetuese. Nga KED kërkon të dijë se cilat institucione po e zvarrisin procesin duke vonuar informacionin, ndërkohë akuzon dhe vetë KED-në që po pranon në heshtje këtë situatë.

”Kam ndjekur me shqetësim dhe procesin e plotësimit të vakancave për në Gjykatën Kushtetuese. Kjo situatë problematike ka 3 vjet. Që me bllokimin e KED, dhe më pas keqfunksionimin e saj. Problematikat në 2019 janë trajtuar në opinionin e Venecias.

Edhe KED e 2020 ka problematika, si vonesat e pajustifikuara.

Problematikat e konstatuara nuk lidhen vetëm me KED, por dhe institucione të tjera. Që kanë të bëjnë me informacionin, dhe nuk e realizojnë në kohë dërgimin e tij tek KED. Presidenti kërkon të dijë se si institucionet kanë komunikuar me KED, dhe si KED nuk ka reaguar duke pranuar këtë zvarritje.

Nga një këndvështrim, rezulton që ka institucione që kanë vonuar informacionin për 8 muaj. Por edhe institucione të pavarura prej 5 muajsh. Janë të pafalshme. Afati është 3 muaj për verifikimin e një kandidati. Verifikimi i situatës

Cilat institucione kanë vonuar procesin. KED duhet të raportojë në Kuvend e Presidencë. Po ashtu KLGJ nuk po punon me ritëm të plotë, pasi në Gjykatën e Lartë po presin mijëra dosje,” tha Presidenti Meta duke e konsideruar nevojë imediate për bashkëpunim.

Dhe për ta përmbyllur me patriotizëm, ashtu si parteneri i koalicionit kriminale Edi Rama, Presidenti i Republikës, Ilir Meta, foli për detin.

“I kam plotësuar të gjitha detyrimet dhe kam qenë shumë bashkëpunues me qeverinë. Prej gati 20 ditësh kemi dërguar një kërkesë zyrtare në përmbushje të detyrimeve, ende nuk kemi përgjigje. Jam i duruar. Kemi shkruar dhe më parë kërkesa, por nuk kemi marrë përgjigje. Asnjë nuk luan me një çështje të tillë, apo me cështje të tjera që kanë të bëjnë me marrëdhëniet me Greqinë.

Qëndrimi i Presidentit është koherent, i qartë dhe parimor, në raport me të gjithë. Pavarësisht mistrecllëqeve, qëndrimi i presidentit ka qenë shumë i qartë. Nuk ka pasur asnjë rast, kur ka pas mungesë bashkëpunimi nga presidenti. Presidenti nuk ka qëndrime të dyfishte apo të trefishta, por vetëm një qëndrim, që çështja të zgjidhet sa më shpejt dhe të jetë çështje besimi mes dy vendeve, jo të minojë këtë marrëdhënie përmes qëndrimeve të pasinqerta, që ndryshojnë në vazhdimësi, sipas konjukturave të çastit,” tha Ilir Meta duke e kosnideruar miqësinë si mjaft të rëndësishme që duhet të zhvillohet dhe forcohet.