Portugalia e Anglia përmbyllin me fitore fazën përgatitore

Kombëtarja e Portugalisë ka shënuar fitore të lehtë në miqësore ndaj Algjerisë. Kampionët e Evropës kanë mposhtur 3:0 Algjerinë para 53 mijë tifozëve në ‘Estadio da Luz’ në Lisbonë.

Lojtari i ndeshjes në këtë miqësore për Portugalinë ishte Guedes, me dy gola të realizuar.

Në listën e golashënuesve u regjistrua edhe Fernandes, që shënoi me kokë pas një harkimi të bukur të Cristiano Ronaldos.

Po kështu, Anglia e ka përmbyllur me fitore fazën përgatitore për Kupën e Botës. ‘Treluanët’ në ‘Elliot Stadium’ kanë mposhtur 2:0 kombëtaren e Kosta Rikës.

Marcus Rashford në minutën e 13’ realizoi një gol të bukur për epërsinë e parë të Anglisë. Golin e dytë dhe të rezultatit final e shënoi sulmuesi i Arsenalit, Dany Welbeck, në minutën e 76’