Pozitiv me COVID-19, Kryepeshkopi Anastas Janullatos transferohet me urgjencë në Athinë

Kryepeshkopi i Tiranës, Durësit dhe gjithë Shqipërisë, hirësia e tij Anastas ka rezultuar pozitiv mem COVID-19. Mësohet se kryepeshkopi Anastas pas disa shqetësimeve, iu nënshtrua testeve në një qendër mjekësore në Tiranë ku rezultoi se ishte prekur me koronavirus.

Mjekët në Tiranë e vlerësuan të domosdoshëm transferimin dhe shtrimin në spital në një klinikë të specializuar në Greqi, duke pasur parasysh moshën e tij të shtyrë dhe disa probleme kronike shëndetësore.

Sipas medias greke, 91 vjeçari Anastas Janullatos, ka simptoma të lehta të koronavirusit. Megjithatë me urdhër të kryeministrit grek Mitsotakis, kryepeshkopi u dërgua me urgjencë me një avion ushtarak sanitar C130 në një klinikë në Athinë, për trajtim të posaçëm.