Pra, nuk janë propozime të llumit opozitar, Edi Rama bën nul Marrëveshjen e 5 Qershorit!
Deri dje mund të quheshin hamendësime por sot e konfirmoi edhe Kryeministri Edi Rama se është nuk janë propozime të llumit opozitar. Pra Edi Rama u tha sot shqiptarëve se i pranon ato propozime thuajse pikën nga qielli dhe nuk ishin çështje që u diskutuan në Këshillin Politik të Reformës Zgjedhore deri në arritjen e Marrëveshjes së 5 Qershorit; Marrëveshje që tashmë e bëri nul Edi Rama edhe pse në kuadër të saj ishin po këto çështje një për një madje dhe se si do të zgjidheshin në të ardhmen, dhe vetëm sot e thotë se ishte një marrëveshje që e kishte firmosur duke “shkelur mbi veten”, pa sqaruar se pse u themelua Këshilli Politik, pse u zhvilluan negociatat dhe pse ajo u firmos në prani të garantit më të madh që njohin shqiptarët, SHBA!
Fillimisht në dalje publike ishte Kryetari i Grupit Parlamentar të Partisë Socialiste, Taulant Balla, në shoqërinë e shefit të tij, i cili tha se mazhoranca mbështet ndryshimet e propozuara nga llumi opozitar që ai qe quajti “opozita parlamentare”.
“Nga ana e opozitës parlamentare është ndërmarrë një iniciativë, që është në konformitet të plotë. Sot në Komisionin e Ligjeve është bërë diskutimi në parim dhe them që pozicioni zyrtar i grupit të PS është që ne jemi dakord në parim me 3 ndryshimet e propozuara, për të garantuar lehtësi në procesin e votimit të qytetarëve shqiptarë. Na rezulton që shqiptarët duan jo vetëm të shprehin një votë për partinë, kryetarin e partisë, por duan dhe një votë parapëlqyese për njërin prej kandidatëve në listë. Ne e mbështesim në parim nismën e deputetëve të opozitës parlamentare. Vlerësojmë se ky është një hap demokratizimi. Mendoj se PS gjithmonë ka qenë refleksion e asaj që do shumica e shqiptarëve. Në këtë këndvështrim ne mbështesim një hapje të listave,” tha Taulant Balla pa kuptuar se për çfarë po flet duke i lënë mjeshtërit të fjalëve të vazhdoj arsyetimin:
“Kemi vendosur që të mbështesim si PS një hapje të listave dhe ti japim mundësi çdo zgjedhësi të zgjedhë subjektin politik dhe të shprehë preferencën e tij për deputetin apo deputeten e përfshirë në listën e subjektit. Është një vendim që reflekton bindjen se hapja e listave përkon me dëshirën e një mase shumë të madhe qytetarësh shqiptarë, që shkon shumë përtej një shumice apo pakice qeverisëse.
Siç e tha edhe Taulanti përtej asaj që do të ishte zgjidhja më e thjeshtë, dhe në pamje të parë më komode për një parti të madhe, por edhe për mua personalisht si kryetar i Partisë, që në këtë rast dua tu jap të gjithëve me faktin e hapjes së listave mesazhin se, asnjëherë nuk ka qenë për mua prioriteti komoditeti im, por gjithmonë është që PS të reflektojë shoqërinë dhe interesat dhe ambiciet e shoqërisë.
E di shumë mirë se ka një sëkëlldi dhe përpjekje që kjo gjë të tregohet sikur është shkelje e marrëveshjes së 5 qershorit, por fakti është se marrëveshjen e 5 qershorit ne e kemi realizuar me vullnetin më të mirë duke shkelur edhe mbi veten, sepse ambicia jonë që përkon me nevojën dhe interesin e vendit ka qenë e shprehur vazhdimisht edhe nga unë personalisht depolitizomi i administratës zgjedhore, rekomandim kyç i OSBE/ ODIHR nuk ka ndodhur, sepse e kundërshtonte deri në fund PD.
Vendosëm të bëjmë një lëshim, që është më i madhi i imagjinueshëm për një forcë politike që ka shumicën e që shkel mbi veten në këtë rast.”
Në fund, Edi Rama përveç se shkeli Marrëveshjen e 5 Qershorit dhe aleatin më të madh shqiptar SHBA, dëshmoi edhe një herë se ky nuk është njeri i Marrëveshjeve pavarësisht nëse e ka vënë firmën Damian Gjiknuri që vjedh vota, apo ai që e urdhëroi të vjedhë vota!
