Pranë selisë së PS/ I armatosur, Vladimir Gjuta ndalohet nga gardistët

Vladimir Gjuta, i liruar vetëm para 5 ditëve nga burgu është shoqëruar sot sërish në polici. Gjuta ndodhej pranë selisë së Partisë Socialiste, kur është ndaluar nga forcat e gardës që ndodheshin pranë selisë rozë, ku po zhvillohej mbledhja e Kryesisë së PS-së e kryesuar nga Edi Rama.

Mësohet se Vladimir Gjuta ka tentuar të futet me forcë në selinë e Partisë Socialiste ndërsa qytetarët që kanë parë ngjarjen, kanë thënë për News24 se Gjuta ka qenë i armatosur.

Vladimir Gjuta është një emër i njohur i botës së krimit, pasi ai akuzohet se disa vite me parë është përfshirë në një konflikt me ish-ministrin e Brendshëm Saimir Tahiri dhe është ndër autorët e vendosjes së sasisë së tritolit panë farmacisë së babait të Saimirit, Bashkim Tahiri.