PRAP KY/ Zv.ministri i Brendshëm: Grupe kriminale po paguajnë media për të goditur rivalët!
Zv/ministri i Brendshëm, Besfort Lamallari i njohur për deklarata bombë sa herë e hap gojën, sot ndërsa po fliste në studion e emisionit “Opinion” për ngjarjet kriminale të Shkodrës tha se platformat mediatike po përdoren nga grupet kriminale për të goditur rivalët.
“Platforma mediatike paguhen nga grupe kriminale për të goditur grupe rivale!”
“Po kjo është e rëndë,” e ndërpreu moderatori i emisionit duke bërë si zakonisht i habitur, por jo edhe Lamallari .
“Shumë e rëndë,” shtoi Zv/ministri i Brendshëm, Besfort Lamallari ndërsa po diskutohej për vrasjen e biznesmenit Arian Ferracakut në Shkodër, pistat e hetimit që po ndiqen dhe për disa vrasje që kanë ndodhur në këtë qytet.
Sot në Shqipëri nuk është çudi kur edhe platformat mediatike paguhen nga grupet kriminale për të goditur grupe rivale, por kur thuhet nga goja e një personi të papërgjegjshëm si Zv/ministri i Brendshëm, Besfort Lamallari që para pak kohësh shprehu gatishmërinë e shtetit shqiptarë për të pranuar 600.000 refugjatë / ish-luftëtarë të penduar nga ISIL dhe Siria, atëherë lajmin e bënë pak më shumë se “fake-news”.
Sikur edhe mos ta thotë emrin e platformës mediatike, kush janë ato grupe kriminale dhe rivalët e tyre që veprojnë kaq lirshëm madje edhe bëjnë transaksione të lirshme në drejtim të xhepave të pronarëve të mediave, dhe nuk arrestohen nga ministria e Brendshme, ku atij i është besuar një post shumë i rëndësishëm.
Apo ka marrë leksione nga Leli Eri, dhe në këtë vend pak rëndësi ka se çfarë thotë një politikan, e rëndësishme është të mos e thotë të vërtetën.
KJO ËSHTË MINISTRIA E BRENDSHME QË DUAM!
