Prapë ti Erion Veliaj…

nga Orjola Pampuri

U shtuan viktimat e pafajshme në listën tënde të mëkateve.

Ti që je shndërruar në zhurmues të ekraneve, sot ke mbi supe edhe dy viktima të tjera, dy djem nënash, që iu ndërpre në mes, një jetë e pa jetuar.

Një jetë e vështirë, falë së cilës u detyruan të punojnë sipas standarteve të mashtruesve si puna jote.

Po ç’je ti mor çun, që nuk ndalesh, që nuk reflekton, që nuk të vret ajo pak ndërgjegje nëse ke apo ke pasur ndonjëherë, si të zë gjumi me gjithë këto vjedhje e viktima, si del e u flet qytetarëve të Tiranës, i sigurt se nuk të kanë kuptuar.

Por mesa duket kur çdo turp e ke përtypur, e çdo normë e ke shkelur, nuk të bën më përshtypje asnjë gjë.

U prehshin në paqe shpirtrat e dy djemve të rinj!

Zoti e ligji i ndëshkoftë ata që mendojnë nga mëngjesi në darkë se si tu pijnë gjakun e t’i hanë kockat këtyre qytetarëve.