“Prela në Dosjen 339”, Reagimi, prokurorët e çështjes: Ja si qëndron e vërteta…
Dy prokurorët e “Dosjes 339” kanë reaguar pas denoncimit të Partisë Demokratike, e cila përmes deputetit Enkelejd Alibeaj, thekson se përpara se të japë vendimin për Donika Prelën, Komisioni i Pavarur i Kualifikimit ka për detyrë të verifikojë dy informacione të reja për Drejtuesen e Prokurorisë së Krimeve të Rënda, njëra pre të cilave, a është Donika Prela pjesë e Dosjes 339?
Në një deklaratë për mediat, Prokurorët Vladimir Mara dhe Dritan Prençi, hedhin poshtë atë që ata e quajnë njoftim publik të deputetit Enkelejd Alibeaj në selinë e Partisë Demokratike:
“Në lidhje me njoftimin publik të bërë të ditur nga konferencën për shtyp datë 28.01.2019 nga Z.Enkelejd Alibeaj në selinë e Partisë Demokratik, se Drejtuesja e Prokurorisë së Krimeve të Rënda znj. Donika Prela rezulton e përfshirë në përgjimet e dosjes Nr. 339 në komunikim me anëtarë të grupit të Avdylajt, ju bëjmë me dije se faktet e deklaruara janë të pavërteta”, shkruhet në deklaratën e prokurëvoe Vlardimin Mara dhe Dritan Prençi.
Në fakt, deputeti Enkelejd Alibeaj nuk tha se “rezulton” por a është Donika Prela pjesë e Dosjes 339, e kapur në përgjim me bandën e Avdyljave duke biseduar me kreun e bandës Astrit Avdylaj? Dhe, për saktësi thuhet se përgjimet e dosjes 339 janë bërë në kohën kur Donika Prela drejtonte Prokurorinë e Durrësit dhe Astrit Avdylaj u arrestua për armëmbajtje pa leje, por më pas u lirua si i pafajshëm. Për vëmendjen e lexuesit po e risjellim ashtu siç e ka me qejf shefi i Donika Prelës, kryeministri Edi Rama, me zë dhe me figurë:
