Premtim i padëgjuar jashtë Kinës dhe Rusisë, Veliaj: Do prishim monopolin e privatit!
Në garën elektorale në mes të rilindjes dhe Partisë Socialiste fushata zgjedhore ofron xhevahirë të shumtë por si kandidatë që vijnë nga partia kriminale PPSH e cila përveç se njeriun e lirë ka dhe tregun e lirë, na vjen dhe një propozim i cili jashtë tokës kineze dhe asaj ruse, nuk është dëgjuar.
Kryetari aktual i Bashkisës së Tiranës, Erion Veliaj, meqë nuk ka më se kë të mashtroj në qytetin e Tiranës, ka filluar dhe i premton fermerit të shkretë i cili nuk ka se çfarë të humbë më, të gjitha i janë marrë 75 vjet më parë.
Kështu, nga Zall-Herri, Erion Veliaj shprehu shqetësimin pse Tirana ka vetëm një treg shumice agro-ushqimor, dhe këtë e quajti monopol, të cilin nuk do ta zgjidhë me tregun e lirë por me hapjen e një qendre të shumicës agro-ushqimore nga Bashkia, ku sipas tij, fshati të ketë mundësi të shesë e qytetarët të kenë mundësi të blejnë më lirë.
“Fshati ka nevojë edhe për disa pika shitje. Kam qenë shumë i shqetësuar sepse kemi vetëm një pikë shumice në Kashar, që e ka një privat. Nuk duam t’ia heqim lopën tjetrit, le të hanë të gjithë. Çështja është se nuk mund të jemi peng i lopës së tjetrit, që do të thotë, nëse e ka vetëm një njeri atë monopol, ai monopol do të prishet. Pra, ata të vazhdojnë punën e tyre, por Bashkia do të hapë një qendër të vet shumice agro-ushqimore, që fshati të ketë mundësi të shesë, qytetarët të kenë mundësi të blejnë më lirë. Vjen domatja e zezë apo një frut nga fshatrat e Tiranës, shkon e falet te tregu monopol, i shtohet dyfish çmimi, sikur çfarë iu kanë bërë, vetëm se ka hyrë te ai vendi i shenjtë, dhe na shitet sikur ka ardhur nga Tokio. Kjo s’ka sens. E kanë marrë si e kanë marrë kontratën nga Saliu, nuk i hyj fare asaj, por di të them që ne, siç kemi treguar se shumë punë dimë t’i bëjmë më mirë se privati, jam i bindur që do ta bëjmë tregun e ri agro- ushqimor më mirë, më lirë dhe më cilësor se sa privati,” tha Erion Veliaj jo duke i lejuar të tjerëve që nuk kanë të bëjnë me Saliun të hapin tregje tjera të këtij lloji por e bënë fakt të kryer hapjen e tregut nga Bashkia, ashtu si shefi i tij Edi Rama, në ditët e kryeministrit Ilir Meta kur sundonte paligjshmëria.
Dhe, për zhdukur çdo hamendësim tha se tregu do të ngrihet në një zonë mes Farkës dhe Dajtit në mënyrë që të jetë lehtësisht i aksesueshëm nga fermerët dhe banorët e fshatrave të Tiranës.
“Jemi duke caktuar një zonë, që është kufiri i Farkës me Dajtin dhe do të sigurohemi që në fakt që tregu ti japi prioritet katunarëve tanë dhe pastaj atyre që vijnë nga rrethet e tjera. Por prioritet janë fshatarët tanë,” tha Erion Veliaj duke marrë bajrakun antimonopol ndër katunarë por jo edhe ndër veprat më kriminale socialiste, siç është ai kolaudimit të makinave.
