Presidenca publikon prova të reja/ Shkeljet e Dvoranit dhe Ministrisë Drejtësisë, Meta paralajmëron padi
Ashtu siç kishte paralajmëruar Presidenti i Republikës ka publikuar sot prova të reja që faktojnë, sipas tij, ndërhyrjen e Qeverisë në procesin e Ripërtëritjes së Gjykatës Kushtetuese. Para se ti jap fjalën Këshilltarit të tij, Bledar Dervishi, për shpalosjen e fakteve, Ilir Meta akuzoi rilindjen për shembjen e ndarjeve të pushteteve dhe rrëmbimin mafioz të anëtarëve të Gjykatës Kushtetuese.
“Të gjithë të kuptojnë super perlën e rilindjes. Se si një organizatë që ka shembur çdo ndarje pushtetesh rrëmben në mënyrë antikushtetuese dhe mafioze, përmes falsifikime dhe manipulimeve anëtarë të gjykatës kushtetuese, për të mos pasur më Gjykatë Kushtetuese, por policinë antikushtetuese të regjimit të Lleshit,” tha Meta ndërsa Këshilltari i Presidentit vazhdoi me shpalosjen e fakteve:
“Sot do bëhen publike provat e reja që faktojnë ndërhyrjen e Qeverisë në procesin e Ripërtëritjes së Gjykatës Kushtetuese. Më 21 shtator 2019 Këshilli i Emërimeve në Drejtësi mblidhet për të bërë listimin e anëtarëve të Gjykatës Kushtetuese. Sipas ligjit Këshilli ka vendosur që ligji hy në fuqi dhe publikohet në Faqen Zyrtare të Gjykatës së Lartë. Prova e dytë, më 22 shtator, faqja e Gjykatës së lartë publikohen të katër vendimet e KED, për të katër kandidatët dhe këshilli vendosi miratimin e anëtarëve për vakancën e shpallur nga Presidenti, nga Kuvendi. Këshilli ka ndjekur radhën që dikton Kushtetuta dhe ligji. Ato që ligji parashikonte u zbatuan edhe me botimin e këtyre akteve në faqen e Gjykatës së Lartë,” tha Dervishi duke vazhduar me situatën e krijuar kur Presidenti emëroi anëtarin e parë të Gjykatës dhe më pas Presidenti i kërkoi Kuvendit të vendoste për anëtarin e dytë.
“Duke parë që Kuvendi kishte vendosur ta shtynte dha ta shfrytëzonte në maksimum 30 ditshin e tij, Presidenti mori një akt dhe vendimin ja drejton Kuvendit të Shqipërisë, kryetarit Gramoz Ruçi, Avokatit të Popullit dhe Dvoranit. Ky komunikim iu përcoll të gjitha ambasadave prezentë në Shqipëri. Në shkresë presidenti synon respektimin e normës në zbatimin e radhës të emërimit të anëtarëve të Gjykatës Kushtetuese.”
Shkeljet e kreut të KED
Këshilltari i Presidentit të Republikës, Bledar Dervishi ka bërë publike prova të tjera kundër kreut të KED, Ardian Dvorani dhe Ministrisë së Drejtësisë. Qendra e botimeve, tha Dervishi, me urdhër të Sekretarit të Përgjithshëm të Ministrisë së Drejtësisë ka botuar në Fletoren Zyrtare, ditën e shtunë, 9 shtator 2019, Dekretin si anëtarë të Gjykatës Kushtetuese të gjyqtares, Arta Vorpsi. Dhe jo vetëm kaq!
Në Fletoren Zyrtare janë publikuar vendimet e Këshillit të Emërimeve në Drejtësi, që Këshilltari i Presidentit i vlerësoi të papranueshme sepse, sipas tij, KED i publikon vendimet në faqen e Gjykatës së Lartë.
“Më 21 shtator 2019 Këshilli i Emërimeve në Drejtësi mblidhet për të bërë listimin e anëtarëve të Gjykatës Kushtetuese. Sipas ligjit, Këshilli ka vendosur që ligji hy në fuqi dhe publikohet në Faqen Zyrtare të Gjykatës së Lartë. Prova e dytë, më 22 shtator, faqja e Gjykata e Lartë publikohen të katër vendimet e KED, për të katër kandidatët dhe këshilli vendosi miratimin e anëtarëve për balancën e shpallur nga Presidenti, nga Kuvendi, Presidenti dhe katër nga Kuvendi. Këshilli ka ndjekur radhën që dikton Kushtetuta dhe ligji. Ato që ligji parashikonte u zbatuan edhe me botimin e këtyre akteve në faqen e Gjykatës së lartë. Kalojmë te prova tjetër. Presidenti emëroi anëtarin e parë të Gjykatës dhe më pas Presidenti i kërkoi Kuvendit të vendoste për anëtarin e dytë,” tha Dervishi, dhe duke parë që Kuvendi kishte vendosur ta shtynte dha ta shfrytëzonte në maksimum 30 ditëshin e tij, Presidenti mori një akt dhe vendimin ja drejton Kuvendit të Shqipërisë, kryetarit Gramoz Ruçi, Avokatit të Popullit dhe Dvoranit.
“Ky komunikim iu përcoll të gjitha ambasadave prezentë në Shqipëri. Në shkresë presidenti synon respektimin e normës në zbatimin e radhës të emërimit të anëtarëve të Gjykatës Kushtetuese. Kjo letër u administrua në KED në datë 6 dhe në datë 7 u mblodh këshilli për ta diskutuar. Këshilli dakordësoi se nuk mund të shpreheshin për vendimin e Presidentit të Republikës sepse do të kapërcenin kompetencat e tyre. Në atë datë asnjë vendim nuk ka marrë këshilli. Një ditë më pas, Kryetari i Kuvendit i drejton një letër, ku i kërkon informacion kryetarit të KED mbi ecurinë e procesit të emërimit ët anëtarëve të Gjykatës Kushtetuese nga Presidenti i Republikës. Kërkesë subjektive dhe e pavend.”
Në fund, Këshilltari i Presidentit të Republikës, Bledar Dervishi, e quan të qëllimshëm vendimin e Dvoranit të mos e mbledhë KED-in si dhe përshkrimin e renditjes së kandidates për Gjykatën Kushtetuese, Arta Vorpsi.
“Më datë 8, kreu i KED, nuk vendosi qëllimisht ta mblidhte Këshillin e Emërimeve në Drejtësi dhe i kthen një përgjigje, në cilësi personale, pa vendimmarrje të këshillit, nuk ka ardhur ndonjë letër nga Presidenti i Republikës për ushtrimin e së drejtës së Presidentit për emërimin e anëtarit të Gjykatës Kushtetuese. Dvorani në mënyrë të qëllimtë lidh nenin e Kushtetues me nenin e ligjit dhe bën një përshkrim jo fortë mirë të paragrafit, ku thotë se kandidatja e renditur e para, zonja Arta Vorpsi konfirmohet si anëtare e Gjykatës Kushtetuese, për këtë arsye para dy ditësh depozituan kallëzimin shtesë.”
Rikthimi i fresshistit Meta
Lufta që ka hapur me Edi Ramën konsiderohet e paparë por Ilir Meta është po ai kreu i FRESSH që luftoi për tu bërë deputet, kryeministër, kryeparlamentar dhe së fundi president, në mënyrën e tij, i rrethuar me paligjshmëri dhe kryetar socialist që natyrshëm siç i ka hije kësaj partie, bashkëpunojnë vetëm me krimin. Vetëm se sot Meta filloj ta bëjë rolin e humanin, që nuk ishte i tillë kurrë, madje ti qajë hallet e të burgosurve nga Edi Rama që nuk kishin paguar drita edhe pse kurrë as nuk i vizitoi dhe as nuk propozoi amnisti.
Sot vetën e quajti hetues vullnetar të SPAK, pa pagesë e pa shpërblim ndërsa sqaroi se Këshilltarin Dervishaj e kishte nxjerrë sot meqë ishte në çdo mbledhje të KED ndërsa vazhdoi:
“Të kalojmë te shkresa e 5 nëntorit që Presidenti i dërgon, Kuvendit, Avokatit të Popullit, KED dhe të gjithë ambasadave që japin 200 milion euro për Drejtësinë.
Tani shikoni se si punon Presidenti. Se janë bërë ja 10 shkresa zyrtare që në gusht që duhet respektuar ligji që nuk duhet të përplasemi, po Presidenti i toleroi aman të plotësojë kushtet Bundestagut dhe BE. Dhe ky ishte paralajmërimi i fundit. Presidenti, pasi ka sqaruar se si është Kushtetuta e shkruar dhe thotë për ta ruajtur Kushtetutshmërinë e këtij procesi, Presidenti nuk mund të shkelë Kushtetutën se Kushtetuta thotë që të dytin e zgjedh Kuvendi. Deri në zgjedhjen e anëtarit të dytë nga Kuvendi, por edhe nëse nuk e zgjidhni thotë Presidenti, atëherë Presidentit i fillonte afati 30 ditor për zgjedhjen e anëtarit të tij.”
Vjen dhe 8 nëntori, që Ilir Meta e konsideron estradë.
“Të njëjtën letër ja dërgova të gjithëve, tani kryetari i Kuvendit ja dërgon vetëm Ardian Dvoranit, po ky kur kishte merak se çfarë do bënte Presidenti, t’i kthente përgjigje Presidentit. Përgjigja që i kthen Dvorani, edhe pse nuk ja kërkon atij si person, se Dvorani është zero në raport me vendimmarrjen, ai është vetëm një korrier, vendimin e merr KED jo Dvorani. Ai i përgjigjet- duke qenë që afati 30 ditor përfundon ditën e sotme-, po ky është afati i Dvoranit, kush e caktoi atë për Presidentin? Po tmerrohen edhe ndërkombëtarët e ndershëm tani që po i kuptojnë këto gjëra sepse nuk do kishin mundësi tja vidhnin Presidentit në mënyrë mafioze dhe të bëjnë leckë Kushtetutën e vendit. Ky në të gjitha këto mashtron dhe thotë nuk kam parë gjë në faqen e Presidentit edhe pse unë i dërgoj letra.
Kur nuk paska rëndësi radha, ky që komunikon kaq shumë me kreun e Kuvendit, Ruçin, pse Dvorani nuk ja çoi të parin Parlamentit dhe pastaj t’ia sillte Presidentit? Po ata donin që kur Presidenti të shprehej për të dytin para Kuvendit, do thoshin “ti shkele kushtetutën”. E konsideroka ky sipas qejfit të tij që u zgjidhka kjo si anëtare e Gjykatës Kushtetuese sepse Presidenti nuk respektoi 30 ditshin. Radha është shumë e rëndësishme në Kushtetutë, e ka shkruar Venecia, për arsye sepse mund të qëlloi që Presidenti dhe mazhoranca në Parlament mund të jenë në një linjë politike.
Është e rëndësishëm të jetë e balancuar. Venecia dhe Kushtetuta, në raportin Kuvend-President, i jep përparësi Presidentit sepse është garanti i fundit i Kushtetutës së Shqipërisë.”
Dhe sërish i kthehet akuzave për rilindjen si grup kriminal:
“Grupi kriminal është edhe më i thellë se sa e kishim menduar ne, se do kemi fakte të tjera. Kërkojnë t’ia marrin kompetencat kushtetuese Presidentit me akte anti-kushtetuese. Shqipëria nuk do të bëhet më kurrë as mavi dhe as mavri, do të bëhet kuq e zi. Ndaj në 2 mars mos dëgjoni ato mashtrimet që u ka hyrë tmerri nga populli.”
Në fund, duke shitur ndjeshmërinë që ka për popullin shqiptar, Presidenti i Republikës, Ilir Meta sërish i kujtoi Edi Ramës protestën më 2 Mars: “Njerëzit kanë ikur pse nuk kanë paguar një faturë dritash ndërsa këtu rrëmbehet duke dhunuar kushtetutën ku është përfshirë gjithë parlamenti. Ata kanë krijuar idenë që shqiptaret sikur janë dorëzuar, por nuk e dinë akoma se ky është një popull shqiponjash dhe sorrat kurrë nuk do të bëhen shqiponja. Shqiponjat do të mblidhen këtu në 2 mars për ta bërë Shqipërinë kuq e zi. Nuk i ftoj për të ardhur për presidentin, por për fëmijët e tyre.”
