Presidencë, betohen ministrat Bledi Çuçi dhe Milva Ekonomi

Dy ministrat e rinj, ai i Brendshëm, Bledi Çuçi dhe ajo e Bujqësisë, Milva Ekonomi, janë betuar sot para Presidentit të Republikës, Ilir Meta.

“Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave,” u betuan ministri Çuçi dhe ministrja Ekonomi me dorën mbi Kushtetutë.

Në ceremoni, ishin të pranishëm Sekretari i Përgjithshëm i kryeministrisë, Engjëll Agaçi dhe anëtarë të Kabinetit të Presidentit.

Ndryshe, ndryshimet në qeveri, erdhën pas vrasjes së 25-vjeçari Klodian Rasha nga policia, dhe dorëheqjes së ministrit të Brendshëm, Sandër Lleshaj. Në 16 Dhjetor Kryeministri Edi Rama njoftoi emrat e rinj në kabinetin qeveritar ndërsa dje Parlamenti nxitoi për të kaluar në parlamentet dekretet e Presidentit të Republikës.