President dhe Kryeministër për faqe të zezë, nuk shqetësohen për DSIK-n por për Cakajn!
Pas refuzimit skandaloz që Presidenti Ilir Meta i bëri dekretimit të ministrit të Jashtëm, Gent Cakaj duke cenuar rëndë marrëdhëniet me NATO-n, vjen i menjëhershëm reagimi i kryeministrit Edi Rama, i cili me të drejtë thekson se kemi të bëjmë me një refuzim antikushtetues por edhe të turpshëm, ai shqetësimin më të madh e ka te personi i refuzuar se sa te institucioni të cilin e përgojoi Presidenti.
”Argumentet e dhëna nga zoti President janë të frikshme për nivelin skandaloz dhe turpëruese për institucionin. Ndjesë Kosovës për këtë turp,” thekson Edi Rama përmes rrjetit social Twitter.
Ndryshe, në arsyetimin për refuzuimin që i bëri Gent Cakajt, Presidenti Ilir Meta ndër të tjera vë në pah se çertifikata e sigurisë me të cilën është pajisur Cakaj, është lëshuar brenda 24 orëve nga DSIK.
Ky institucion, pra, Drejtoria e Sigurimit të Informacionit të Klasifikuar, DSIK, lëshon çertifikatë CSP të nivelit “Tepër Sekret”, për njohjen e informacionit të klasifikuar “Sekret Shtetëror”; “Cosmic Top Secret” për njohje të informacionit të klasifikuar të NATO-s dhe “EU Secret/Sekret UE”, për njohjen e informacionit të klasifikuar të BE-së, por, pas publikimit të sotëm të letrës nga ana e Presidentit Ilir Meta, nuk dihet në të ardhmen se çfarë llojë çertifikate të lëshuar nga DSIK, do ta rrespektoj NATO! Çështje, e cila përveç Presidentit, siç duket nuk e ka shqetësuar as Kryeministrin.
