President pa lidhje!

nga Agim Popoci

Në kulmin e krizës politike të shkaktuar nga njeriu i vetëm, kryeministri i Shqipërisë, Edi Rama, njeriu i vetëm që e bëri kryeministër, Presidenti aktual Ilir Meta, sot thotë se nuk ndjenë përgjegjësi për situatën e krijuar sepse mendon se ka bërë çdo përpjekje prej gati dy vitesh në këtë detyrë, për të parandaluar një situatë dhe një krizë të tillë. Përsëri, thotë se është i gatshëm të sakrifikoj në emër të një zgjidhjeje politike që rivendos normalitetin kushtetues, institucional, politik, demokratik në vend dhe që garanton ecjen e shpejtë drejt çeljes së negociatave në BE.

Dhe siç është President pa lidhje, edhe zgjidhjen në situatën e krijuar nga i përzgjedhur i tij për Kryeministër, e ka pa lidhje:

“Jam i gatshëm për të dyja ekstremet. Që nga dorëzimi i mandatit tim si President pasi të sigurohem që vendi ka një zgjidhje politike parimore, kushtetuese, solide që e çon përpara, e deri tek sakrifikimi i jetës sime si Salvador Allende për të ndaluar instalimin e një junte që mund ta kthente Shqipërinë 30 vite pas.”

Kjo deklaratë e papërgjegjshme që trazoi edhe më shumë krizën e krijuar në Shqipëri, ashtu sikur se zgjidhja e papërgjeshme që i ofron popullit shqiptar, siç bëri në vitin 2013, nuk ka të bëjë me realitetin.

Zgjidhje politike parimore, kushtetuese, solide që e çon përpara Shqipërinë nuk ka me Edi Ramën kryeministër, dhe është për të ardhur keq kur këtë e mendon edhe sot Ilir Meta, pas fatkeqësisë që i solli këtij vendi në vitin 2013, dhe nuk po e korrigjon dot. Si mund të sigurohet Ilir Meta për një gjë të tillë, në mënyrë që ta dorëzoj mandatin këtë nuk e kupton njeri, e nëse e din ai një rrugë të tillë është mirë ta sqaroj miletin i cili ngeli gojëhapur me këtë ide idiote ashtu edhe si edhe ideja e dytë: Me sakrifikimin e jetës si Salvador Allende!

Deri sa për idenë e parë nuk është se u shqetësua njeri, sepse ishte e pakuptueshme dhe në realitet edhe e peralizueshme sepse zgjidhje politike parimore, kushtetuese dhe solide me Edi Ramën nuk ka, dhe ai vetë e di spese kjo ishte arsyeja që u prish Koalicioni i Qelbësirave; Dhe, sikur të  ekzistonte një zgjidhje si kjo, Shqipëria bëhet anëtare e Bashkimit Evropain në çast!

Ndërsa për vetëvrasjen, siç bëri Salvador Allende, asgjë nuk e lidhë Presidentin e Shqipërisë, Ilir Meta përveç se me faktin që të dy janë marksist!

Së pari, Salvador Allende si marksist hoqi dorë nga jeta e të pasurve dhe u fut në politikë duke dal prej saj thjeshtë si një rrogëtar, ndërsa shkatërroi Kilin me ekonominë politike marksiste; Ndryshe nga Presidenti aktual i cili u fut si një student dhe sot është ndër njerëzit më të pasur në Shqipëri ndërsa Shqipëria u vjedhë dhe nuk është shkatërruar nga ndonjë ekonomi politike marksiste ose kapitaliste.

Së dyti, Salvador Allenden e zgjodhi populli kilian për President dhe jo një Marrëveshje e Qelbësirave që rropën vendin deri në ekstrem.

Së treti, Salvador Allende, për tu bërë President bashkoi votat me të djathtën kiliane, radikalët dhe disidentët demokristianë, dhe jo si Ilir Meta i cili jo vetëm u zgjodh pa votat e së djathtës, por ata e braktisën edhe në momentin e votimit dhe betimit në Parlament.                

Së katërti, Salvador Allende, ishte marksist dhe mbeti i tillë deri në vdekje, dhe nuk kishte mik asnjë klerik fetar aq më shumë për të promovuar ndonjë fe siç bënë Ilir Meta me Kryegjyshin Botëror të Bektashnijve, Haxhi Dede Edmond Brahimaj. Dhe, këtu jo se ka diçka të keqe, por Allende ishte dhe mbeti marksist deri sa bëri vetëvrasje, ndërsa Ilir Meta pasi ishte marksist dhe sot i thotë vetes bektashi, duhet ta dijë se vetëvrasja është një nga mëkatet e mëdha në Islam.

Nëse nuk ishte në dijeni për këtë fakt, Baba Mondi mund ta sqaroj se sipas Kuranit, vetëvrasja është madje mëkat më i madh se vrasja e dikujt tjetër. Pra, nëse dikush vret një person tjetër, vepron një mëkat më të vogël se të vrasë veten.

Pejgamberi a.s. e ka theksuar në shumë hadithe se vetëvrasja është mëkat i  madh. Pejgamberi a. s. u thotë shokëve të tij:

“Qëndroni larg shtatë mëkateve shkatërruese për njeriun.” Shokët i thanë, O I Dërguar, kush janë ato shtatë mëkate? Pejgamberi a. s. tha: “Shirku ndaj Allahut xh. sh., vrasja dhe vetëvrasja, ngrënia e pasurisë së jetimit, arratisja nga lufta, shpifja për zina për gruan e ndershme.”

Në këtë situatë, si njeriu që solli në pushtet Edi Ramën, shkaktarin e krizës politike në Shqipëri, si President pa lidhje që krizën politike nuk e zgjidhë dot, duhet ta dijë se njeriu që e shkaktoi krizën politike në këtë vend, nuk e lë as të vetëvritet.

Salvador Allende u vetëvra jo pse juntën ushtarake po e bënte Augosto Pinochet, por se largimi i tij ishte i pashmangshëm dhe këtë ia kishin të bërë të qartë edhe amerikanët.

Juntë ushtarake këtu nuk mund të ketë sepse nuk ka as ushtri, dhe Shqipëria është anëtare e NATO-s jo për të krijuar kriza por për ti zgjidhë ato.

Një detaj që i ka ikë Presidentit pa lidhje: Kur u vetëvra Salvador Allende u arrestuan dhe më pas u pushkatuan 72 bashkëpunëtorët e tij; Këtë duhet ta ketë parasysh Presidenti Ilir Meta, në mënyrë që të flas edhe për zgjidhjen e vetme që ekziston, pa viktima. Dhe për këtë është mirë të sqarohet me veten e tij dhe shkuesit që e bindën në vitin 2013 ti bashkohet partisë më kriminale në Shqipëri, PSSH, për krijuar Aleancën e Qelbësirave me kryeministër Edi Ramën. Vetëm ata që i dhanë urdhër të bëhet Kryeministër mund ti japin urdhër të ikë nga ky fron, ndryshe…