Presidenti dekreton datën e re të zgjedhjeve, 13 Tetor!
Pas takimeve intensive të zhvilluara sot duke filluar nga ora 05:00 ku Kryeministri Edi Rama mungoi, liderin e opozitës Lulzim Basha në orën 9:00 për të pasuar me Aleatët e tij të Qendrës së Djathtë dhe përafaqësuesit ndërkombëtar, Presidenti i Republikës Ilir Meta, dekretoi datën e re për zgjedhjet vendore:
“Zgjedhjet vendore do të mbahen më 13 tetor 2019”, u shpreh Ilir Meta
Këtë datë, tha Meta e ka zgjedhur për dy arsye:
“E para sepse është data më e shpejtë për të organizuar zgjedhje të përgjithshme vendore gjithëpërfshirëse për të gjithë ata që dëshirojnë të marrin pjesë në zgjedhje, por edhe sipas afateve proceduriale të jenë të përfshirë në procesin zgjedhor,” dhe:
“E dyta sepse, siç e kam thënë në 8 qershor kur zhdekretova datën 30 qershor që një nga kushtet ka të bëjë me garantimin e vazhdimësië së integrimit europian të mos shkëputje të Shqipërisë nga Maqedonia e Veriut në lidhje me çeljen e negociatave.”
Kemi humbur mjaft kohë deri tani si nga 8 qershori dhe 10 qershori, tha Ilir Meta, por fatmirësisht ende në axhendën e BE është çelja e negociatave. Por vendimi i BE është më 17-18 tetor.
Me këtë rast Meta e bëri të qartë se nuk mund të detyrojë askënd të marrë pjesë në mënyrë të pavullnetshme në zgjedhje.
“Presidenti i Republikës si institucion me Kushtetutë që ka përgjegjësi dhe si unitet i popullit është t’u japë mundësi të gjithëve të reflektojnë të bëhen pjesë e këtij procesi,” tha Presidenti duke shtuar:
“Nuk mund të detyroj askënd të marrë pjesë në mënyrë të pavullnetshme në zgjedhje. Si i vetmi institucion në Kushtetutë që ka për detyrë përcaktimin e datës së zgjedhjeve iu jap mundësi të gjithëve të reflektojnë, të bëhen pjesë e këtij procesi, që të mos ketë asnjë bashki pa kandidat tjetër alternativ”
I pyetur nëse Edi Rama nuk regjistrohet më 13 tetor, a do kemi dekret të tretë nga ju, Meta u shpreh:
“Secili të marrë përgjegjësinë, unë e kam marrë përgjegjësinë para gjithë shqiptarëve dhe jam i gatshëm të përgjigjem për këtë akt para çdo gjykate shqiptare dhe ndërkombëtarë që ka juridiksion në vendin tonë përfshirë dhe gjykatën e Hagës, por është vendim i mrekullueshëm që shqiptarët të qetësohen, të reflektojnë edhe ne ta vazhdojmë këtë rrugë që kemi nisur në dhjeto të 90 se unë jam edhe i lëvizjes se dhjetorit dhe pata fatin historik të merrja pjesë në takimin me udhëheqësin e fundit Ramiz Alia, dhe mendonim se kishin pak shanse të ktheheshim në qytetin studentin dhe mund të përfundonin aty ku kishte përfunduar Pjetër Arbnori.
Sot ka nevojë për reflektim nga kryeministri. Edhe Ramizi në fillim të 91 e shtyu datën e zgjedhjeve por të krijuar mundësi opozitës që të merrte pjesë në zgjedhjet e para pluraliste në vend. Jemi 30 vjet pas dhe duhet të tregojmë se Shqipëria është në nivel tjetër.”
