Presidenti i Këshillit Europian në Tiranë

Presidenti i Këshillit Europian, Charles Michel, mbërriti sot në  Shqipërinë, ku u prit në një ceremoni zyrtare nga kryeministri Edi Rama.

Michel vjen në Tiranë pas vizitës së Komisionerit për Zgjerim të BE, Oliver Varhelyi, i cili u shpreh qartë se Ballkani Perëndimor do të jetë prioritet i Bashkimit Europian.

Sot Presidenti i Këshillit Europian, Charles Michel, do të vizitojë edhe Maqedoninë e Veriut, ku pritet të takojë gjatë pasdites Presidentin Pendarovski, kryeministrin Oliver Spasovski dhe ministrin e Jashtëm, Nikola Dimitrov.

Ndryshe, për herë të fundit Charles Michel ishte në Shqipëri më 23 prill të vitit 2018, si kryeministër i Belgjikës.