Presidenti i përgjigjet mikut dhe aleatit, Meta: Të bëjmë çdo përpjekje…

Pasi i lëshoi një tufë “delesh” të tërbuara kundër Presidentit të Republikës, Kryeministri Edi Rama doli në foltoren e Parlamentit dhe i dha një dorë të mirë edhe vetë me akuza dhe në fund duke iu drejtuar si mik dhe aleat, Ilir Metës, i bëri thirrje për reflektim pas Rezolutës që ka po të njetin si qëllim dhe jo siç u proklamua si shkarkim e përralla të ngjashme.

“Shqipëria ka nevojë për reflektim dhe përgjegjësi maksimale nga të gjithë aktorët politikë! Të mos humbasim këtë moment historik për të hedhur një hap përpara drejt Europës,”” thekson Ilir Meta përmes rrjetit social Facebook duke i bërë thirrje Edi Ramës për të bërë çdo përpjekje për atë që tashmë është e pamundur, bashkimin me Maqedoninë e Veriut në Bruksel:

“Të bëjmë çdo përpjekje për mos-shkëputjen nga përparimi i fqinjit tonë Maqedonisë së Veriut. Çelja sa më parë e negociatave të anëtarësimit detyrim historik për të gjithë ata që duan Shqipërinë si Europa!”

Ja statusi i plotë:

“Shqipëria ka nevojë për reflektim dhe përgjegjësi maksimale nga të gjithë aktorët politikë!

Të mos humbasim këtë moment historik për të hedhur një hap përpara drejt Europës.

Të bëjmë çdo përpjekje për mos-shkëputjen nga përparimi i fqinjit tonë Maqedonisë së Veriut.

Çelja sa më parë e negociatave të anëtarësimit detyrim historik për të gjithë ata që duan Shqipërinë si Europa!”, shkruan Meta.