Presidenti i Republikës dhe Drejtësia nuk janë të pavarura, Edi Rama e lë të lirë Fredi Belerin
Pse KQZ dhe Ilirian Celibashin e miratuan me shpejtësi vendimin për heqjen e mandatit, dhe pse Presidenti i Republikës, Bajram Begaj, e dekretoi me shpejtësi datën e zgjedhjeve për Bashkinë Himarë pa kaluar periudha e afatit ankimor të vendimit të KQZ, u kuptuan sot kur me vendim të Drejtorisë Burgjeve, pra, Edi Ramës, Kryetari i zgjedhur i Bashkisë Himarë, Fredi Beleri, pasi iu hoq mandati dhe u krijuan parakushtet se nuk mund të kandidoj sërish, la sot në orët e para të mëngjesit burgun për të shkuar në Strasburg për të bërë betimin si eurodeputet.
Fredi Beleri i cili u fut në burg si hajdut votash sot doli nga porta kryesore e burgut te Fierit si eurodeputetë i Greqisë nën kujdesin e Ambasadës greke dhe me praninë e familjarëve.
“Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamantin Europian në datat 15-20 korrik 2024 në Strasburg, referuar Urdhërit të Drejtorit të Përgjithshëm nr. 733 prot, datë 04.06.2024 “Për përbërjen dhe funksionimin e Bordit të Monitorimit të dhënies së lejes shpërblyese dhe të veçanta për të burgosurit në IEVP” është dhënë leje shpërblyese për të dënuarin Dhionisis (Alfred) Beleri nga data 15 korrik deri në 20 korrik 2024. Pas përfundimit të lejes pesë ditore, i dënuari Alfred Beleri do të kthehet në burgun e Fierit për të vazhduar kryerjen e dënimit, sipas vendimit të GJKKO,” thuhet në njoftimin e Drejtorisë së Burgjeve.
“Jam i lumtur e ju falënderoj për mbështetjen që më keni dhënë per kaq muaj, të tjerat do i them në Athine,” tha Fedi Beleri për median greke ndërsa për mediat shqiptare u prononcua në Rinas.
“Po iki drejt Athinës. Nesër do të jem në Strasburg. Dua të falënderoj Drejtorinë e Burgjeve për këtë vendi, ishte një vendin në zbatim të ligjeve. Nesër atje ka vendime dhe votime të rëndësishme. Besoj që sot e tutje do t’i kthehem normalitetit,” tha Fredi Beleri i cili humbi mandatin si i zgjedhur i Bashkisë së Himarës, pasi u dënua nga GJKKO me 2 vite burg për blerje votash, ndërsa akuzoi drejtësinë shqiptare se për rastin e tij janë ndjekur dy standarde, paralajmëroi se do ta çojë çështjen e tij deri në Strasburg.
