Presidenti i ri i Kroacisë, Zoran Milanoviç

Presidenti i ri i Kroacisë zgjedhet Zoran Milanoviç. Nga 99,66 votave të numëruara, Zoran Milanoviç është në avantazh me 105.990 vota ndaj rivales në raundin e dytë zgjedhjeve presidenciale, Kolinda Grabar Kotaroviç që tashmë nuk ka mundësi për përmbysje të rezultatit.

Edhe exit-polli i orës 19:00 fliste për një fitore të Milanoviçit me 53.25 për qind ndaj Grabar Kitaroviç me 46.75 për qind.

Ndërsa KQZ pas 6.511 qendrave të votimit ku janë numëruar votat nga gjithsej 6.533 qendra të votimit, raporton se, Zoran Milanoviç ka 1.033.071 vota ndërsa Kolinda Grabar Kitaroviç 927.081 vota.

Zoran Milanoviç pas këtij rezultati nga KQZ e Kroacisë mbajti edhe fjalimin e fitores ku e filloi me mirëseardhjen, siç tha, në Fabrikën e fitores ndërsa falënderoi edhe kundërkanditaten Kolinda Grabar Kitaroviç.

“Fushata ishte e vështirë, e gjatë, nuk ishte gjithmonë korrekte, por kështu është kjo punë. Nëse e kam shkelur së tepërmi dikë, e kam thënë ndonjë gënjeshtër, nuk ishte me qëllim. Prej sot dhe nesër do të punoj dhe jetoj ndryshe. Do të bëhem president i të gjithë qytetarëve, kroatëve dhe atyre që nuk janë, dhe jam i lumtur për këtë gjë,” tha Presidenti i Kroacisë në pesë vitet e ardhshme, Zoran Milanoviç.

Ndryshe, të drejtë vote në Kroaci kishin 3.860.000 qytetarë, rreth 5.400 më shumë se sa në raudnin e parë i cili u zhvillua më 22 dhjetor. Në raundin e parë në garë ishin 11 kandidatë, Kitaroviç dhe Milanoviç vazhduan garën pasi rezultuan si dy kandidatët me numrin më të madh të votave .