Presidenti i ri i SHBA, Donald Trump
Presidenti i ri i Shteteve të Bashkuara është Donald Trump!
Presidenti i 47-të u zgjidhë ai të cilin të gjithë e kishin të qartë, edhe presidenti aktual Joe Biden, përveç se kandidatja demokrate, Kamala Harris që mori mbi shpatulla humbjen e turpshme të demokratëve edhe me votën popullore.
Kur u konfirmuan 277 vota elektorale, kur kishte dhe shumicën e votës së popullit dhe u konfirmua shumica republikane në Senat, Presidenti i ri i Shteteve të Bashkuara mbajti dhe fjalimin e fitores.
Sapo u shfaq në tribunën e West Palm Beach në Florida, Donald Trump u prit nga mbështetësit e tij me brohoritjet”
“SHBA, SHBA…”
Ndërsa Presidenti i ri i SHBA, u zotua:
“Dua të falënderoj popullin amerikan që jam zgjedhur presidenti i 47 i SHBA. Çdo qytetari mund ti them se do të luftoj për ju, për familjen dhe të ardhmen tuaj, nuk do të ndaloj deri sa ti japim liri Amerikanëve, shtetin e përparuar që ata e meritojnë.
Kjo do të jetë epoka e artë e Amerikës, kjo është fitore madhështore që do të na lejoj që Amerikën sërish ta bëjmë të madhe,” tha ndërsa falënderoi me radhë të gjithë bashkëpunëtorët e tij.
Me këtë rast, njeriu që premtoi se do të ndal të gjitha luftërat, në fjalimin e tij të fitores kishte një falënderim të veçantë për James David Vance.
“Dëshiroj të falënderoj Zv/Presidentin e zgjedhur JD Vance dhe bashkëshorten e tij,” tha Donald Trump duke i dhënë fjalën Zv/Presidentit të ri Vance:
“Mendoj se kemi dëshmuar me rikthimin më të madh politik në historinë e Shteteve të Bashkuara.
Nën udhëheqjen e Presidentit Trump, kurrë nuk do të ndalojmë së luftuari për ju, për ëndrrat tuaja, për të ardhmen e fëmijëve tuaj.
“Dhe, pas rikthimit politik më të madh në historinë amerikane, do të udhëheqim rikthimin më të madh ekonomik në historinë amerikane, nën udhëheqjen e Donald Trump,” tha Zv/President i ri i Shteteve të Bashkuara, James David Vance, i cili në sytë e shumë amerikanëve shihet si Presidenti i ardhshëm i SHBA!
Derisa në kampin republikan po festohej fitorja, nga ana tjetër, demokratët kanë filluar të shpërndahen nga shtabet e tyre zgjedhore pa u numëruar të gjitha votat!
