Presidenti i Serbisë sëmuret në SHBA, kthehet në shtëpi
Presidenti i Serbisë, Aleksandar Vuçiç, u sëmur gjatë vizitës së tij në Shtetet e Bashkuara dhe pas konsultimit me mjekët, vendosi të kthehet në Beograd.
Presidenti i Serbisë u takua dje në Florida me ish-kryebashkiakun e New Yorkut, Rudolf Giuliani ndërsa paralajmëroi se do të takohet edhe me disa zyrtarë të lartë të Partisë Republikane.
Nuk dihet nëse kanë ndikuar takimet apo realiteti me të cilin Vuçiç u përballë në Florida, por televizioni publik serb RTS raporton se ai pas pas takimit me kongresmenen Claudia Tenney dhe biznesmenin serb nga Amerika Rod Blagojevich, Presidenti i Serbisë, Aleksandar Vuçiç, u sëmur papritur, kërkoi ndihmë nga mjeku dhe pas një ekzaminimi mjekësor mori vendimin për t’u kthyer në Serbi ndone ishte në pritje të takonte Presidentin e SHBA, Donald Trump.
Përveç kriminelëve serbë të kudondodhur, shqetësim për shëndetin e Presidentit serb Vuçiç shprehu dhe i dekoruari i tij dhe I dërguari i presidentit amerikan për misione speciale, Richard Grenell, i cili nuk arriti ta takoj.
Sending our best, @avucic.
— Richard Grenell (@RichardGrenell) May 3, 2025
Sorry to miss you but hope all is ok. https://t.co/VklV3DLxCv
“Gjithë të mirat. Më vjen keq që nuk u takuam, por shpresoj që gjithçka të jetë mirë,” u shpreh Grenell përmes rrjetit social X.
Ndryshe, sipas mediave serbe, Presidenti serb Aleksandar Vuçiç u sëmur papritur në orët e para të pasdites pas takimit me biznesmenin serb Rod Blagojevich i cili është projektuar si Ambasadori i ardhshëm i SHBA në Beograd, ndërsa shoqërohej nga ministri i Financave i Serbisë, Sinisha Mali dhe këshilltarja për media e Vuçiçit, Suzana Vasileviç.
Kjo “sëmundje” e Aleksandar Vuçiçit vjen edhe gjashtë ditë para festës tradicionale të Rusisë “Ditën e Fitores mbi Fashizmin në Luftën e Dytë Botërore” ku Presidenti i Turqisë, Reccep Tayyip Erdogan dhe Kryeministri Hungarisë, Viktor Orban, kanë bërë të ditur se këtë vit nuk do të marrin pjesë ndërsa shefja e diplomacisë evropiane, Kaja Kallas ka paralajmëruar Vuçiçin se qëndrimi i BE do të ndryshoj nëse ai merr pjesë në këtë manifestim; Ndërkohë Moska zyrtarisht ka bërë të ditur se pjesëmarrëjen e kanë konfirmuar udhëheqësit e Kinës, Brazilit, Serbisë, Sllovakisë, Indisë dhe Izraelit.
