Presidenti ma pa lidhje në Evropë, Hashim Thaçi i rikthehet protagonizmit

Ndonëse u krijua ideja se me shkarkimin e Albin Kurtit, Presidenti i Kosovës, Hashim Thaçi, me përzgjedhjen e Avdullah Hotit për Kryeministër u qetësua, nuk po rezulton kështu! Vetë e thirri konferencën për media por sot nuk foli asgjë nga ato që janë në komepetencën e Presidentit ndërsa u pyet për vetmen gjë që kishte ëndërruar, mundësinë e shpalljes së gjendjes së jashtëzakonshme, u ngatërrua me realitetin:

“E urrej fjalën gjendje e jashtëzakonshme, por rrethanat ishin të tilla dhe tash është e përmbyllur kjo ide,” tha Thaçi ndonëse në dy ditët e fundit situata epidemiologjike është përkeqësuar në Kosovë, por mjafton që nuk është Albin Kurti. Dhe jo vetëm kaq!

“Rreziku nga COVID-19 ende nuk ka kaluar. Ditët e fundit kemi rritje të numrit të të infektuarve. Nëse nuk ka përmirësim të gjendjes, atëherë institucionet do të detyrohen të kthejnë masat kufizuese,” tha Thaçi pau skuqur, duke thënë jo atë që ka thënë Skenderbeu shekuj më parë por Albin Kurti ditë më parë.

Por, Thaçi iu rikthye protagonizmit! Sot, kur edhe me Rezolutë të Parlamentit dhe vendim të Gjykatës Kushtetuese, është përcaktuat që dialogun Kosovë-Serbi duhet ta udhëheq Kryeministri, ai pas shfuqizimit të masave të reciprocitetit del para mediave për të thënë se vendi është gati për dialogun me Serbinë, dhe për këtë qëllim kërkoi unitet nga spektri politik.

“Përballë Serbisë do të jemi të bashkuar me të gjithë, ne nuk jemi në garë për të marrë primatin se kush do të kryesojë këtë dialog,” tha Hashimt Thaçi i cili vetëm për këtë gjë mendon duke ngatërruar Kushtetutën e Kosovës me atë të Serbisë, ku si shtet presidencial i jep shumë më shumë kompetenca mikut të tij dhe Edi Ramës, Aleksandar Vuçiç.

Si Republikë Parlamentare, Kosova ka fat të madh, ndryshe një president kriminel si Aleksandar Vuçiç dhe një president pa lidhje si Hashim Thaçi nuk do ta ngatërronin vetëm Kosovën dhe Serbinë, por edhe Ballkanin, Bashkimin Evropian dhe Shtetet e Bashkuara.