Presidenti Milo Gjukanoviç propozon shpërbërjen e Parlamentit të Malit Zi

Presidenti Milo Gjukanoviç, i ka dërguar Kryetares së Parlamentit, Daniela Gjuroviç, propozimin për ndërprerjen e mandatit të përbërjes së 27 parlamentare të Malit Zi, pasi nuk janë krijuar kushtet që mandati për formimin e qeverisë së re ti besohet liderit të Demosit, Miodrag Lekiç. 

Gjukanoviç konsideron se kjo është zgjidhja më optimale në këtë situatë politike, dhe se është në interesin e të gjithë qytetarëve të Malit Zi, sepse, shton ai, me këtë hapet mundësia për organizimin e zgjedhjeve të parakohshme parlamentare në afat sa më të shkurtër, që do të mundësoj dhe zgjidhjen e Qeverisë e cila do të vepronte me kapacitet të plotë.

Shumica parlamentare e gushtit të vitit 2020, tha Gjukanoviç nuk i dorëzuar as firmat e deputetëve, duke mos u krijuar kështu as përshtypja se ekziston shumica e qartë për të krijuar qeverinë e cila do të ofronte zgjidhje pë probleme të vështira financiare, juridike dhe institucionale.

Në përputhje me Kushtetutën, tha Presidenti në arsyetimin e tij, konsultimet i ka kryer me përfaqësuesit e partive politike parlamentare: DPS, SDP, SD, BS, Alternativës shqiptare, Forcës, Unionit Demokratik, Partisë Demokratike, DP, dhe Partisë Liberale.

Në konsultime nuk erdhën Fronti Demokratik, DF, Mali Zi Demokratik, DEM, Partia Socialiste Popullore, SNP, dhe Lëviza qytetare URA që janë dhe pjesë e shumicës së deklaruar parlamentare vetëm verbalisht.

“Propozimin për ti dhënë mandatin për formimin e qeverisë Miodrag Lekiçit, të cilin dje në emër të partive që formuan shumicën në zgjedhjet e vitit ma dorëzoi Andrija Mandiç, nuk mund ta pranoja, sepse konsideroj se nuk janë krijuar kushtet,” tha Presidenti sepse nuk shoqërohej me firmat e deputetëve të URA, SNP dhe CIVIS meqë u tha se ai kishte marrë vetëm mbështetjen verbale.

Ata i referohen përvojëj së kaluar, thekson Presidenti Gjukanoviç, por:

“Me rastin e mandatimit të Zdravko Krivokapiçit për Qeverinë e 42-të përfaqësuesit e tri koalicioneve “Për të ardhmen e Malit Zi”, “Paqja është kombi ynë“ dhe “E zeza në të bardhë“, ishin në knsultime dhe dorëzuan firmat e 41 deputetëve. Gjithashtu edhe me mandatimin e Dritan Abazoviçit për Qeverinë e 43-të erdhën në konsultime dhe dorëzuar 46 firma të deputetëve,” thekson Milo Gjukanoviç.

“Kështu, në përputhje me kompetencat kushtetuese, Propozoi ndërprerjen e mandatit të përbërbrejs së 27-të të Parlamentit Malit Zi.