Presidenti nuk do që të jetë mbi palët, Meta: Më 8 Dhjetor do zbres në shesh, nuk iki prej aty derisa…

Presidenti i Republikës e ka një hall! Ky është togfjalëshi që lakohet ndër politikanë dhe njerëz të mediave ndërsa Ilir Meta me sjelljet e tij i arsyeton gjithnjë e më shumë.

Ndonëse Kushtetuta e vendos mbi palët ai nuk dëshiron të jetë i tillë, do të zbresë në shesh, do të bënë pis lëvizjen e Dhjetorit ’90, dhe thotë se nuk do të largohet nga Sheshi më fisnik i këtij vendi në Qytetin Studenti, aty ku filloi rënia e partisë kriminale të cilës i takonte dhe sot i dekoron militantët e saj, pikërisht Presidenti i Republikës Ilir Meta, derisa t’i kthejë popullit të drejtën e referendumit dhe ta detyrojë Parlamentin për të zbatuar këtë të drejtë kushtetuese, parlament, deputetët e cilës i cilëson dele.

“Si President i Republikës, kam vendosur pas gjithë përpjekjeve të mia në këtë zyrë për dialog dhe pas gjithë kësaj loje që po i tmerron qytetarët shqiptarë. Dua t’i them qytetarëve shqiptarëve që me këtë klasë politike jeni të pa shpresë. E vetmja rrugë është të ushtroni demokracinë direkte. Për ndryshe pas disa vitesh nuk do të ketë më këtu shqiptarë. Do ketë vetëm emigrantë. Kjo është e vetmja rrugë transparente që pas ca vitesh të mos i ndërrosh emrin Shqipërisë siç ia ndërruan emrin stadiumit “Qemal Stafa” për çështje të globalizimit. Në Shqipëri nuk ka më votime, ka vetëm komandime. Më 8 dhjetor ora 12:00 në Sheshin Demokracia në Qytetin Studenti,” tha Ilir Meta duke u tall me postin e Presidentit, Sheshin Demokracia dhe së fundi për institucionin e referendumit për të cilin ishte kundër për gjatë gjithë viteve që ishte në pushtet, dhe atyre pak ditëve në opozitë.

“Shqipëria duhet të hyjë në epokën e referendumit. Kjo klasë politike dështoi në mënyrë më të turpshme si asnjëherë më parë. Shikoni ku ka qenë në vitet 200 dhe ku ka përfunduar sot. Partitë kanë dështuar. Më vjen keq ta them, por shikoni parlamentin, shikoni delet në parlament. Nuk vazhdohet më kështu. Të gjithë duhet t’i nënshtrohen vullnetit të popullit duke filluar me mua të parin, si presidenti i tyre.”

Por Ilir Meta nuk ndalon këtu, tallet edhe me HEC-et që shkatërrojnë mjedisin ndonëse ato morën leje pikërisht kur vetë ai ishte pjesë e qeverisë:

“Duhet të shkatërrohet Vjosa, një nga monumentet natyrore të Evropës, të shkohet në referendum. Ligji duhet të ishte bërë para 20 vjetësh. Është bllokuar qëllimisht që populli shqiptar të mos zgjedhë. Populli shqiptar ka vetëm një detyrë që të mos ikë nga sytë këmbët. Unë e shikoj këtë si një mision që t’i kursejmë këtë tallje klasës politike.”

Ndonëse nuk dihet se kush do ta mbështesë këtë Lëvizje, Ilir Meta akuzon politikën shqiptare thuajse nuk është pjesë e saj:

“Në 21 vite nuk kemi asnjë referendum, sepse politika e ka bllokuar qëllimisht. Ndaj dhe unë, si President i Republikës kam vendosur pas përpjekjeve për dialog me opozitën, qeverinë, Kuvendin, të zbresë në shesh dhe nuk do të iki nga sheshi, derisa t’i kthejmë popullit shqiptar të drejtën e referendumit, të detyrojmë Parlamentin për të zbatuar këtë të drejtë kushtetuese.

Presidenti ka këtë qëndrim: me dele deputetët nuk ka asnjë shqetësim. I ka respektuar. Presidenti ka vetëm një raport vetëm me popullin shqiptar. Më 8 dhjetor vetëm me flamuj kombëtar dhe jo flamuj partiak.” Në fund, edhe pse Ilir Meta bëri thirrje për pjesëmarrje në tubimin e 8 Dhjetorit me flamuj kombëtar dhe jo partiak, një gjë është e sigurt, në krah do ti ketë ata me zemër kriminale që i dekoroi “Nderi Kombit”.