Presidenti Thaçi shtrohet në spital
Pas disa shqetësimeve shëndetësore, Presidenti i Kosovës, Hashim Thaçi, është shtruar për trajtim në Klinikën e Urologjisë në Qendrën Klinike Universitare të Kosovës, ka njoftuar zyra e Presidentit.
“Pas shqetësimeve të shfaqura nga gurët në veshkë, presidenti sot (20 prill) ka shkuar për një kontroll në Emergjencën e QKUK-së dhe më pas është shtrirë në Klinikën e Urologjisë, ku po trajtohet nga personeli mjekësor profesional”, thuhet në njoftim por nuk është bërë e ditur nëse Thaçi i është nënshtruar testimin për koronavirusin e ri.
Sipas zyrës së Presidentit, gjendja shëndetësore e Thaçit është stabël.
“Presidenti i shpreh mirënjohje për kujdesin e treguar nga i tërë personeli shëndetësor i Qendrës Klinike Universitare të Kosovës”, thuhet në njoftim duke saktësuar se pas trajtimit mjekësor të marrë në Klinikën Urologjike të QKUK-së është liruar dhe është kthyer në shtëpinë e tij.
