Presidenti Thaçi: Votim për të ardhmen euroatlantike

Presidenti Hashim Thaçi, me rastin e votimit në shkollën “Faik Konica” në Prishtinë, ka ftuar qytetarët të votojnë për një të ardhme më të mirë për shtetin.

“Dëshiroj që t’i uroj qytetarët e Kosovës për këtë ditë të rëndësishme, por të njëjtën kohë t’i ftoj të dalin të votojnë për të drejtën e tyre për të mirën e tyre. Do të jetë një votim për të ardhmen euroatlantike të Kosovës, për një jetë më të mire për qytetarët, për zhvillim ekonomik, për vende të punës dhe gjitha të mirat,” tha Presidenti Hashi Thaçi.