Presidenti Trump autorizon rritjen e prezencës ushtarake në Arabinë Saudite

Shtetet e Bashkuara kanë njoftuar se kanë planifikuar të dërgojnë forca ushtarake në Arabinë Saudite, një ditë pas sulmit kundër rafinerisë së naftës.

Ministri i Mbrojtjes, Mark Esper, u tha gazetarëve se dërgimi i trupave do të ishte përgjigje ndaj kërkesës së Arabisë Saudite dhe Emirateve të Bashkuara për t’ju ndihmuar në përmirësimin e sistemit ajror të mbrojtjes, raporton RFE ndërsa numri i trupave nuk është bërë i ditur ende.

Presidenti Trump ka njoftuar dje për sanksionet e nivelit më të lartë kundër Iranit, duke theksuar se do ta shmang konfliktin ushtarak. Ai tha se sanksionet e reja do të fokusohen në Bankën Qendrore të Iranit dhe pavarësisë financiare.

Rebelët Huthi të Jemenit kanë marrë përgjegjësinë për sulmin ndaj rafinerive të naftës javën e kaluar. Por, SHBA dhe Arabia Saudite kanë fajësuar Iranin për sulmin.

Sulmi paralizoi rreth gjysmën e prodhimit të naftës në Arabinë Saudite, çfarë do të thotë ndërprerja më e madhe e furnizimeve botërore që është parë ndonjëherë. Sulmi e uli prodhimin e naftës së papërpunuar në botë me 5 për qind dhe shkaktoi rritjen e çmimeve deri në 19 për qind.

Arabia Saudite është eksportuesja më e madhe e naftës në botë, e cila shet mbi shtatë milionë fuçi në ditë.