Presidenti Trump do të presë në Shtëpinë e Bardhë Orbanin

Presidenti i Shteteve të Bashkuara, Donald Trump, do të presë javën e ardhshme në Shtëpinë e Bardhë kryeministrin e Hungarisë, Viktor Orban, raporton RFE.

Takimi do të zhvillohet më 13 maj, njoftoi Shtëpia e Bardhë.

“Duke marrë parasysh lidhjet e kahmotshme midis Shteteve të Bashkuara dhe Hungarisë, presidenti dhe kryeministri do të diskutojnë mënyrat për të thelluar bashkëpunimin në një varg çështjesh, përfshirë tregtinë, energjinë dhe sigurinë kibernetike”, thekson Shtëpia e Bardhë përmes në njoftim duke shtuar se s udhëheqës të vendeve të NATO-s, Trump dhe Orban do të eksplorojnë mundësitë për të përmbushur shumë përgjegjësi të sigurisë kombëtare të vendeve të tyre.

Kryeministri i Hungarisë, Viktor Orban njihet si udhëheqës i cili për shkak të mbrojtjes së interesave kombëtare shpesh është përplasur me Bashkimin Evropian, ku çështje të diskutueshme ishin dhe vazhdojnë të jenë emigrantët dhe reformat në gjyqësor.