Presidenti Trump emëron Ambasadorin Grenell në krye të Inteligjencës Kombëtare
Presidenti i Shteteve të Bashkuara, Donald Trump, ka emëruar Drejtor të Inteligjencës Kombëtare, Ambasadorin e SHBA-ve në Gjermani dhe Të Dërguarin e Posaçëm për dialogun Kosovë-Serbi, Richard Grenell.
“Kam kënaqësinë të lajmërojë që Ambasadori shumë i respektuar në Gjermani, Richard Grenell do të jetë Drejtor në detyrë të Inteligjencës Kombëtare. Rick e ka prezantuar vendin tonë jashtëzakonisht mirë dhe po shikojë mundësinë që të punojë më të,” thekson Presidenti Trumo përmes rrjetit social Twittre duke falendëruar Joe Maguire për punën e mrekullueshme që ka bërë ndërsa shton se me të do të punojë ndoshta në një pozitë tjetër brenda administratës!
Richard Grenell pason Drejtorin e Inteligjencës Kombëtare, Joseph Maguire, i cili erdhi dorëheqjes nga kjo pozitë verën e kaluar te Dan Coats, një ish senator republikan nga Indiana. Richard Grenell do të jetë dhe anëtari i parë në kabinetin e Presidentit Trump, i cili hapur ka deklaruar se është homoseksual.
Grenell, sapo mori postin e Të Dërguarit të Posaëm për Dialogun Kosovë-Serbi, arriti dy marrëveshje në mes të Kosovës dhe Serbisë, atë për transportin ajror dhe një tjetër për hekurudhat.
Ndryshe, Zyra e Drejtorit të Zbulimit Kombëtar shërben si mbikqyrëse e Komunitetit të Shërbimeve të Inteligjencës që përbëhet nga 16 Agjenci të ndryshme zbulimi, më e nohura prej të cilave është CIA. Kjo zyrë u krijua pas sulmeve të 11 Shtatorit 2001, për të bashkërenduar punën e agjencive të zbulimit.
CNN njoftoi se Ambasadori Grenell kishte shprehur prej kohe dëshirën për t’u larguar nga posti në Gjermani dhe për të shkuar në sektorin privat, ose në një post tjetër qeveritar. Ambasadori Grenell njihet si përkrahës i fortë i Presidentit Trump.
