Presidenti Trump emëron Përfaqësuesin e posaçëm për bisedimet Kosovë-Serbi

Presidenti i SHBA, Donald Trump, ka emëruar Ambasadorin amerikan në Gjermani, Richard Grenell si Përfaqësuesin e tij të posaçëm për bisedimet Kosovë-Serbi, ka bërë të ditur Shtëpia e Bardhë. 

Këtë vendim Presidenti Trump e ka marrë mbrëmë vonë, shkruan Washington Times, ndërsa Richard A. Grenell do të mbajë edhe postin e Ambasadorit të Shteteve të Bashkuara në Gjermani.

Ambasadorin Richard A. Genell në postin e Përfaqësuesit të posaçëm të Presidentit Trump, në bisedimet Kosovë-Serbi, sipas VOA, duhet ta konfirmoj Senati.

Ndryshe, Ambasadori Richard A. Grenell, ka qënë zëdhënës i Ambasadës së Shteteve të Bashkuara në OKB për shtatë vjet, 2001-2008.

Ambasador i Shteteve të Bashkuara në Gjermani, Richard A. Grenell është nga 8 Maji i vitit 2018.