Presidenti Trump fal Steve Bannon dhe dhjetëra të tjerë

Presidenti i SHBA, Donald Trump ka falur ish-këshilltarin e tij, Steve Bannon, në kuadër të 143 faljeve dhe ndryshimeve të dënimeve, pak para se të largohet nga zyra e presidentit më 20 janar.

“Presidenti Donald Trump ka falur 73 individë dhe ndryshime të dënimeve për 70 individë tjerë,” tha administrata e tij përmes një deklarate.

Fati i Bannonit, një këshilltar me ndikim te Presidenti Trump, i cili i ka ndihmuar të menaxhojë fushatën presidenciale të vitit 2016, është shikuar me shumë vëmendje. Ai është përballur me akuza federale për mashtrim të njerëzve, teksa ka mbledhur fonde për ndërtim të murit në mes të Shteteve të Bashkuara dhe Meksikës. Ai, raporton RFE, tha se Bannon nuk është fajtor për akuza që rëndojnë mbi të.

Ndonëse ka pasur spekulime në media, Trump nuk ka falur vetën, vajzën e tij, Ivanka, dhëndrrin, Jared Kushner, dhe dy djemtë e tij, Donald Junior dhe Eric.

Presidenti Trump po ashtu nuk ka përfshirë në listë as avokatin e tij personal, Rudy Giuliani, i cili ka mbështetur pretendimet e Donald Trump për mashtrime zgjedhore në zgjedhjet presidenciale të 3 nëntorit.