Presidenti Trump feston një fitore të madhe
Vendimi i fundit i Gjykatës së Lartë të Shteteve të Bashkuara është një fitore e rëndësishme për Presidentin Donald Trump, pasi kufizon fuqinë e gjykatave për të ndërhyrë dhe për të bllokuar politikat në nivel kombëtar, ndërsa gjyqtarët shqyrtojnë ligjshmërinë e tyre.
Gjykata e Lartë nuk ka vendosur mbi kushtetutshmërinë e urdhrit ekzekutiv që Presidenti Trump kërkoi të revokonte të drejtën e shtetësisë amerikane që në lindje në tokën amerikane, por vendimi i saj do të thotë që amerikanët që duan të sfidojnë politikat e ardhshme të Trump ka të ngjarë të duhet të kalojnë nëpër pengesa shtesë për të pasur sukses.
Vendimi nuk do të thotë që urdhri ekzekutiv i Presidentit Trump do të hyjë në fuqi menjëherë, por u thotë gjykatave të shkallës së parë që e kanë bllokuar atë të rishqyrtojnë fushëveprimin e urdhrave të tyre.
Dekreti u firmos në ditën e parë të mandatit
Sipas rregullave aktuale, pothuajse kushdo që lind në territorin e SHBA-së ka të drejtë automatike për shtetësi, e njohur si “shtetësi në lindje”. Por në janar, në ditën e tij të parë të kthimit në Shtëpinë e Bardhë, Presidenti Trump firmosi një urdhër ekzekutiv që synonte revokimin e kësaj të drejte.
Pasoi një sërë padish dhe gjykatat e rrethit lëshuan urdhra kombëtarë që synonin parandalimin e hyrjes në fuqi të rregullores.
Presidenti Trump ka pretenduar vazhdimisht se shtetësia e bazuar në lindje po abuzohet dhe fillimisht ishte projektuar për një epokë tjetër, për t’u dhënë pasardhësve të skllevërve të drejtën e shtetësisë.
“Nuk ishte menduar për njerëzit që përpiqen të mashtrojnë sistemin dhe të vijnë në vend me pushime. Ishte menduar për foshnjat skllevër,” tha Presidenti Trump.
Vendimi i Gjykatës së Lartë me 6 vota pro dhe 3 kundër, mund të ketë pasoja të gjera për mandatin e dytë të Donald Trump, edhe nëse urdhri i tij ekzekutiv që i jep fund shtetësisë së bazuar në lindje nuk zbatohet kurrë. Kjo sepse do të kufizojë fuqinë e gjykatave për të përmbysur politika të tjera në të ardhmen.
“Vendim i Madh”
Presidentët amerikan nga të dyja partitë janë ankuar për bllokime gjyqësore për vite me radhë, dhe Presidenti Trump me të drejtë ka vënë në dukje se gjykatat e kanë bllokuar atë shumë më tepër vendime sesa paraardhësit e tij. Për shembull, gjykatat e ulëta kanë bllokuar përkohësisht përpjekjen e tij për të deportuar emigrantë sipas Aktit të të Huajve Armiq.
“Ky ishte një vendim i madh,” tha Trump nga Shtëpia e Bardhë menjëherë pasi u njoftua vendimi i Gjykatës së Lartë.
“Ishte një vendim i jashtëzakonshëm me të cilin jemi shumë të kënaqur!”
Një ndryshim themelor është duke u zhvilluar në mënyrën se si gjykatat federale të SHBA-së mund të kufizojnë pushtetin presidencial. Deri më tani, më shumë se 1,000 gjyqtarë në 94 gjykata rrethi, niveli më i ulët i gjykatës federale, mund të lëshonin urdhra në të gjithë vendin që do të ndalonin menjëherë politikat qeveritare në të 50 shtetet.
Por tani, këto urdhra do të zbatohen vetëm për paditës specifikë, siç janë grupet shtetërore ose organizatat jofitimprurëse që ngritën çështjen.
Prokurorja e Përgjithshme, Pam Bondi, tha se administrata Trump është “shumë e bindur” se Gjykata e Lartë do të vendosë përfundimisht në favor të urdhrit të Trump. “Mbi shtetësinë e bazuar që në lindje në tokën amerikane do të vendos Gjykata e Lartë në muajin tetor, në seancën e saj të ardhshme,” parashikoi Bondi në Shtëpinë e Bardhë.
Ndërsa parashikimi i saj mund të jetë optimist, duke pasur parasysh ritmin e zakonshëm të gjykatës, ekziston mundësia që çështja përfundimisht të përfundoj para Gjykatës së Lartë.
