Presidenti Trump firmos ligjin për sanksione ndaj projektit Rrjedha Veriore 2

Presidenti i Shteteve të Bashkuara, Donald Trump ka firmosu Aktin për Autorizimin e Mbrojtjes Kombëtare të vitit 2020, duke e shndërruar në ligj. Ky legjislacion ka një dispozitë që sanksionon gazsjellësin rus Rrjedha Veriore 2.

Dispozita kërkon që anijet që janë të vendosura në gazsjellësin rus të përfundojnë punën e tyre “menjëherë” ose do të përballen me sanksione, përshirë këtu edhe ngrirjen e aseteve.

Projekti Rrjedha Verirore 2, që është në vlerë prej 11 miliardë dollarësh, është vetëm pak javë drejt përfundimit dhe analistët janë të ndarë nëse vendosja e sanksioneve në një fazë kaq të vonë, do të ndalojë këtë projekt.

Alleseas Group, një kompani me seli në Zvicër dhe që po punon segmentet e fundit në tubacionin prej 1,230 kilometrash, ka njoftuar se ka pezulluar të gjitha aktivitetet e saj dhe është në pritje të miratimit të ligjit.

“Allseas do të vazhdojë punën në përputhje me legjislacionin dhe do të presë udhëzime që përbajnë sqarimet e nevojshme rregullative, teknike dhe mjedisore nga autoritetet përkatëse amerikane”, tha kompania përmes një deklarate raporton RFE

Projekti Rrjedha Veriore 2 është kundërshtuar fuqishëm nga SHBA, pasi Washingtoni beson se Evropa do të thellojë varësinë nga energjia ruse dhe do t’i japë Kremlinit fuqi më të madhe mbi shtetet e Evropës Lindore. Gjermania, që është pjesë e këtij projekti, pas njoftimit për nënshkrimin e ligjit për sanksione, ka thënë se ky vendim nuk do ta prekë shtetin gjerman, por kompanitë private.