Presidenti Trump firmos urdhrin për migrantët e paligjshëm

Presidenti i Shteteve të Bashkuara, Donald Trump, ka firmos një urdhër për migrimin, i cili ua mohon kualifikimin për azil migrantëve që kalojnë kufirin amerikan me Meksikën në mënyrë të paligjshme.

Administrata e Trumpit i bëri publike dje rregullat e reja, me qëllim pengimin e migrantëve që kalojnë kufirin jugor të SHBA-së, raporton RFE.

“Ne kemi nevojë për njerëz në vendin tonë, por ata duhet të vijnë në mënyrë të ligjshme dhe të kenë merita”, tha sot Presidenti Trump para nisjes drejtë Parisit.

Masa u nxit pjesërisht nga karvani i migrantëve të Amerikës Qendrore që po ecin në këmbë drejt kufirit me SHBA-në, por do të zbatohet për këdo që kapet duke kaluar kufirin në mënyrë të paligjshme, thanë zyrtarët.

Nuk dihet ende nëse ata që janë në karvan – shumica të larguar nga dhuna në vendin e tyre – planifikojnë të kalojnë kufirin në mënyrë të paligjshme.