Presidenti Trump mbështetë Arabinë Saudite, veto Rezolutës së Kongresit
Presidenti i SHBA, Donald Trump ka vendos veto mbi Rezolutën e Kongresit me të cilën kërkohej ndalimi i mbështetjes amerikane për koalicionit saudit në luftën e Jemenit.
“Kjo Rezolutë është një përpjekje e padobishme dhe e rrezikshme për të dobësuar kompetencat e mia kushtetuese, rrezikon jetët e qytetarëve amerikanë,” tha Presidenti Trump përmes një komunikate duke ju referuar tekstit i cili është miratuar nga dy Dhomat e Kongresit.
Kongresi, duke shfrytëzuar ligjin e votuar në vitin 1973 për kufizimin e kompetencave ushtarake të presidentit në konfliktet jashtë shtetit, ka bërë thirrje për ti dhënë fund operacionit ushtarak në Jemen ku nga viti 2015, Pentagoni i jep mbështetje joluftarake koalicionit të kryesuar nga Arabia Saudite, aleat ky i SHBA.
Por President i SHBA, Donad Trump përmes komunikatës së lëshuar nga Shtëpia e Bardhë ka sqaruar pse i jep mbështetje këtij koalicioni:
“Mbështetje jap për shumë arsye. Para së gjithash, detyrë e jona është mbrojmë sigurinë e më shumë se 80.000 amerikanëve që jetojnë në shtetet e kaolicionit e që ishin viktimat të sulmeve Huti nga Jemeni.” Ndryshe, lufta civile në Jemen ka shpërthyer në vitin 2015, e ku vazhdojnë të luftojnë koalicioni i kryesuar nga Arabia Saudite e cila mbështet forcat proqeveritare kundër kryengritësve Huti që mbështeten nga Irani. Mendohet se se deri më sot kanë vdekur dhjetëra mijave njerëz ndërsa sipas OKB vendi është në një krizë të thellë humanitare.
