Presidenti Trump në OKB, do të flasë për Iranin, Korenë e Veriut, rastin Skripal…
Presidenti i Shteteve të Bashkuara, Donald Trump, në hapjen zyrtare të Asamblesë së Përgjithshme të OKB do të flasë për Iranin, rastin e helmimit Skripal, armët kimike dhe Korenë e Veriut.
“Është koha për ne që të kemi diskutime reale dhe kjo do të ndodhë kur presidenti të kryesojë Këshillin e Sigurimit”, tha ambasadorja amerikane në OKB, Nikki Haley.
“Do të jetë takimi më i shikuar i Këshillit të Sigurimit, jam e sigurt”, tha ajo.
Presidenti Trump do t’i drejtohet Asamblesë së Përgjithshme të Kombeve të Bashkuara më 25 shtator ndërsa më 26 shtator do të kryesojë një takim të Këshillit të Sigurimit që do të përqendrohet në Iranin, mospërhapjen e armëve bërthamore dhe sulmet me armë kimike në Siri dhe Britani.
