Presidenti Trump: Nëse nuk përmirësohen, largohem nga OBT. Oferta e BE nuk është e mirë…
Presidenti i SHBA, Donald Trump ka kërcënuar për largim të Shteteve të Bashkuara nga Organizata Botërore e Tregtisë, nëse ky trup dështon të ndryshojë mënyrën si po e trajton Amerikën.
“Nëse ata nuk përmirësohen, unë do të largohem nga Organizata Botërore e Tregtisë”, tha Presidenti Trump ndërsa Oferta e BE për asnjë tarifë në mënyrë automatike nuk është “aq e mirë” thekson Presidenti i SHBA i cili kundërshtoi ofertën e Bashkimit Evropian për të hequr tarifat mbi makinat, duke i krahasuar politikat tregtare të bllokut me ato të Kinës. “Nuk është mjaft e mirë,” tha Trump për ofertën nga Brukseli gjatë intervistës në Zyrën Ovale për Bloomberg News.
“Zakonet e tyre të konsumit janë për të blerë makinat e tyre, jo për të blerë makinat tona”.
Presidenti Trump tha se Kina nuk do të tejkalojë SHBA-në në mosmarrëveshjen e tyre tregtare, e administrata e tij po rishqyrtohet se si të përcaktojë nëse vendet manipulojnë monedhat e tyre.
“Ne jemi një vend shumë më i fortë. Vendi ynë është më i fortë se sa ka qenë financiarisht.”
Presidenti Trump tha se nuk i vjen keq për emërimin e Jerome Powell si kryetar i Rezervës Federale, madje edhe pasi kritikoi rritjen e normave të interesit nga Banka Qendrore.
“Unë vendosa një njeri që unë e dua dhe e respektoj,” tha Presidenti i SHBA.
Trump tha se është shumë i zhgënjyer me Erdoganin, dhe se ndjeu veten të refuzuar personalisht nga Presidenti turk Rexhep Tajip Erdogan lidhur me refuzimin e tij për të liruar pastorin amerikan, pasiqë Shtetet e Bashkuara kishin ndihmuar një shtetas turk të ndaluar në Izrael.
“Unë jam i zhgënjyer prej tij,” tha Trump pasi fillimisht nuk pranoi të komentojë sepse këtë rast e kishte “shumë të përzemërt”.
Ka durim tha me udhëheqësin e Koresë së Veriut, Kim Jong Un, tha Presidenti Trump, i cili ende nuk ka marrë hapa për të braktisur armët bërthamore të vendit të tij pas samitit me presidentin e SHBA në qershor.
“Kam durim më të madh se çdo qenie njerëzore në botë,” tha Trump duke shtuar se “njerëzit nuk e kuptojnë këtë gjë për mua.”
Për regjimin iranian tha se mund të rrëzohet për shkak të politikave të administratës së tij, duke përfshirë edhe duke lënë marrëveshjen ndërkombëtare bërthamore me Teheranin e negociuar nga paraardhësi i tij.
“Kur hyra këtu, ishte një çështje kur ata do të merrnin përsipër Lindjen e Mesme,” tha Trump për Bloomberg News.
“Tani është pyetja se a do të mbijetojnë. Është një ndryshim i madh në një vjet e gjysmë “.
Presidenti Donald Trump tha se puna e Prokurorit të Përgjithshëm, Jeff Sessions është e sigurt të paktën deri në zgjedhjet e nëntorit. Por presidenti po ashtu ndaloi seancat për mosbindjen në atë që ai e quajti një “hetim të paligjshëm” nga avokati special Robert Mueller nëse Trump dhe ndihmësit e tij të fushatës u pajtuan me rusët në zgjedhjet e vitit 2016.
“Unë thjesht do të doja të bëhet një punë e mirë”, tha Trump në intervistë për Bloomberg News.
