Presidenti Trump: Një armadë e madhe po lundron drejt Iranit. Koha po mbaron, bëni një marrëveshje!

Një armadë e madhe anijesh luftarake amerikane është nisur drejt Iranit, me mesazhin se Teherani duhet të ulet shpejt në tryezën e bisedimeve dhe të negociojë një marrëveshje të drejtë pa armë bërthamore, bëri të ditur sot Presidenti i Shteteve të Bashkuara, Donald Trump, në momentet kur koha po mbaron dhe ai pret arritjen e një marrëveshje!

“Një armadë e madhe po lundron drejt Iranit. Po lëviz shpejt, me fuqi, entuziazëm dhe qëllim të madh. Është një flotë më e madhe, e udhëhequr nga aeroplanmbajtësja e madhe Abraham Lincoln, sesa ajo që u dërgua në Venezuelë. Ashtu si me Venezuelën, është gati, e gatshme dhe e aftë të përmbushë shpejt misionin e saj, me shpejtësi dhe dhunë nëse është e nevojshme,” u shprehi Presidenti amerikan Trump përmes rrjetit social Truth duke shpresoj që Irani të ulet shpejt në tryezë” dhe të negociojë një marrëveshje të drejtë dhe të ndershme.

“PA ARMË BËRTHAMORE – që është e mirë për të gjitha palët. Koha po mbaron, është vërtet kritike! Siç i thashë dikur Iranit, BËJE NJË MARRËVESHJE! Ata nuk e bënë, dhe pati “‘Operation Midnight Hammer’, shkatërrim i madh i Iranit.,” tha Presidenti i SHBA, Donald Trump, duke përfunduar me mesazh të qartë:

“Sulmi i ardhshëm do të jetë shumë më i keq! Mos e lini të ndodhë përsëri. Faleminderit për vëmendjen tuaj në këtë çështje! President DONALD J. TRUMP.”