Presidenti Trump nominohet për çmimin Nobel për paqe

Dy deputetë norvegjez kanë nominuar Presidentin e SHBA, Donald Trump për çmimin Nobel për paqe pas samiti që u zhvilluan në Singapor me liderin koeranoverior, Kim Jong Un.

Deputetët e Norvegjisë nga Partia Popullore Progresiste, Christian Tybring-Gjedde dhe Per-Willy Amundsen, theksuan për Agjencinë norvegjeze të lajmeve NTB se Presidenti Trump ka bërë “një hap të madh dhe të rëndësishëm në drejtim të çarmatimit, paqes dhe pajtimit në mes të Koresë së Veriut dhe asaj të Jugut “.

Sipas Agjencisë AP, edhe një grup i kongresmenëve amerikanë mbështetë nominimin e Presidentit Trump për çmimin Nobel për paqe për vitin 2019.

Procedura e shqyrtimit të kandidimit dhe dhënies së çmimit Nobel për paqe zbatohet në Norvergji. Nominimet duhet të dorëzohen pranë Komitetit norvegjez të Nobelit deri më 1 shkurt, rikujton AP.

Komiteti nuk komenton dhe nuk publikon se kush është nominuar, dhe ky informacion ruhet sekret plotë 50 vjet.