Presidenti Trump nuk është prekur nga koronavirusi

Mjeku i Shtëpisë së Bardhë, Sean P. Conley ka bërë të ditur se Presidenti i SHBA, Donald Trump ka marrë rezultatet e testimit në koronavirus dhe janë negative, raporton CNN.

“Një javë pasi ishte në darkë me një delegacion brazilian, Presidenti Trump nuk tregon kurrfarë simptome të koronavirusit,” thuhet në komunikatën e Dr.Conleyit.

Ndryshe, zëdhënësi i presidentit brazilian, Jair Bolsonara ka rezultuar pozitiv në testimin për koronavirus vetëm disa ditë pas darkës me Presidentin Trump.

Ndërkohë zëdhënësi i Shtëpisë së Bardhë, Judd Deere, tha se secili që do të jetë në kontakt me presidentin Donald Trump dhe Zv/Presidentin Mike Pence do të kontrollohen.

Kështu ndodhi edhe dje para konferencës për shtyp ku njëri prej doktorëve të Shtëpisë së Bardhë, çdo gazetari i mati temperaturën. Deri më tash në SHBA janë 2.340 të prekur me koronavirus, 51 kanë vdekur.