Presidenti Trump pezullon Lotarinë Amerikane, Sekretarja Sigurisë Kombëtare: Program katastrofik!
Presidenti i SHBA-së, Donald Trump, ka pezulluar programin e Lotarisë Amerikane pas të shtënave masive në Universitetin Brown javën e kaluar, në të cilat u vranë dy persona.
I dyshuari, një shtetas portugez, hyri në SHBA përmes programit të vizave në vitin 2017, raporton BBC.
JUST IN: Authorities are preparing to enter the Brown University shooting suspect's storage unit in New Hampshire.
— Keena (@thisiskeena) December 19, 2025
A law enforcement source says the suspect was seen on surveillance video entering the storage facility at some point, but it's unclear if he ever left. pic.twitter.com/IZmaVeM04Q
Pezullimi i “programit katastrofik”
Sekretarja e Sigurisë Kombëtare, Kristi Noem, konfirmoi se kishte pezulluar programin e vizave për emigrantë, Viza të Diversitetit, DV1, me urdhër të Presidentit Trump për të “siguruar që asnjë amerikan të mos dëmtohet nga ky program katastrofik”. I dyshuari, tha ajo, “nuk duhej të lejohej kurrë të hynte në vendin tonë”.
Programi DV1 lejon që deri në 50.000 viza të lëshohen çdo vit përmes një përzgjedhjeje të rastësishme të aplikimeve nga vendet me norma të ulëta imigracioni në SHBA.
Përmes mediave sociale, Kristi Noem kujtoi se Presidenti Trump më parë kishte “luftuar për t’i dhënë fund” programit, në vitin 2017, pasi tetë persona u vranë në një sulm me kamion në New York. Autori i atij sulmi, uzbekasi Sayfullo Saipov, një mbështetës i Shtetit Islamik, hyri gjithashtu në Shtetet e Bashkuara përmes programit DV1.
UPDATE: The FBI has released new videos and photos of the Brown University shooting suspect and is offering a $50,000 reward for information leading to identification, arrest, and conviction.
— Citizen (@CitizenApp) December 15, 2025
Authorities say they are still working to determine whether the suspected gunman… pic.twitter.com/4ot95p2Gco
Kush është i dyshuari?
I dyshuari kryesor për të shtënat është 48-vjeçari Claudio Neves Valente. Zyrtarët amerikanë besojnë se ai vrau edhe profesorin portugez Nuno Loureiro nga Instituti i Teknologjisë i Massachusettsit, MIT, në fillim të kësaj jave.
Sipas Presidentes së Universitetit Brown, Christine Paxson, Valente ishte regjistruar në një program doktorature në fizikë në shkollë nga vjeshta e vitit 2000 deri në pranverën e vitit pasardhës, por aktualisht nuk ka “asnjë lidhje aktive” me universitetin.
Ndryshe, në sulmin i cili ndodhi më 13 dhjetor, kur një person i armatosur hyri në ndërtesën e inxhinierisë së Universitetit Brown gjatë provimeve përfundimtare, mbetën të vrarë dy studentë dhe nëntë të plagosur. Viktimat u identifikuan si Ella Cook, një studente e vitit të dytë 19-vjeçare nga Alabama, dhe Mukhammad Aziz Umurzokov, një 18-vjeçar uzbek-amerikan që sapo kishte filluar studimet në universitet.
